《愛．回家之三代同糖》陸續加入多位《開心速遞》的舊班底成員，日前TVB官網貼出一張黑色剪影照，透露又有兩位成員將會加入，叫大家猜猜誰？網民隨即搜出原圖，正是「大小姐」林淑敏和「送水輝」許家傑。官方今日終於揭盅，官宣二人的角色名字：「林淑敏同許家傑將會喺劇集亮相。今次佢哋嘅角色名叫做『戴嘉婷』同埋『宋銳威』，佢哋喺劇中有好複雜嘅關係！大家一定要留意喇！」
隨着劇組改革新成員加入，《三代同糖》收視終於止瀉，上周收視更微升破18點，車婉婉今日上載短片，與Terry李偉健、李茵彤、KC歐瑞偉和樊亦敏，齊呼樊亦敏劇中名字「龔喜」：「恭喜我哋！恭喜你哋！恭喜大家！！恭喜上星期《愛．回家之三代同糖》最高收視18.1點，而且持續攀升！多謝你哋支持呀！！」
