TVB配音比賽節目《好聲好戲》播映以來深受好評，上月陳自瑤成為大贏家，奪得「傑出聲演總冠軍」。不過一切未完，《好聲好戲》首屆畢業作品係噚晚播出，《好聲好戲》首屆畢業生聯同專業配音員一齊打造粵語版嘅《侏羅紀世界》。今午TVB宣布由《好聲好戲》參賽者聯同專業配音員攜手聲演的荷里活電影《侏羅紀世界》收視報捷，電視直播收視錄得19.6點，跨平台直播收視更攀升至21點，成績斐然。
有份參演《好聲好戲》嘅一班藝人，仲出席咗最新一集《開心大綜藝》聲演《侏羅紀世界》外傳，幫畢業作品《侏羅紀世界》造勢。陳自瑤、張振朗及楊潮凱等有參與《好聲好戲》比賽嘅藝人都有份參演。節目播出後，網民嘅反應都唔錯，大讚「配得好精彩！」，仲話希望以後有更多好作品俾觀眾重温。
圖片來源︰my TV SUPER(www.mytvsuper.com)