昨晚（21日）元朗西鐵站發生襲擊市民事件，震驚全港，不少藝人都對於暴力行為感到憤怒。
而向來關心社會時事的森美，今天貼出一張在元朗拍攝的黑白照表達心情，對於香港現時的局勢，他感慨寫道：「元朗，香港。到了昨晚，不一樣了。我應當做什麼？香港オ會是香港，我迷惘、擔心、恐懼、不知所措，應該不止我，你也和我一樣吧！」
森美今早與小儀主持節目《早霸王》談及暴力事件時，更一度傷心痛哭。
在節目中，森美甫開咪即說：「今朝早， 我冇說話好講。」他對昨晚的事情感到相當痛心，哽咽道：「今日嘅節目，請各位原諒我嘅不專業。喺今日節目裏面， 我真係唔可以做返平時節目會做嘅環節喇，我心裏面有種擔憂⋯⋯」
森美此時已泣不成聲，他努力平伏心情後續說：「我有好大嘅憂慮，我開始有小小唔明白究竟我哋每一個人嘅身份應該要做啲乜嘢，先能夠令到香港變返…香港。我希望香港每一個都努力。」
心情激動的森美，對於未能如常做節目，他深感抱歉：「喺我哋嘅生活當中都需要一個好安定嘅社會，先可以正常生活，今日呢個節目，可能我情緒都唔穩定，同大家講聲唔好意思，呢個情況之下我用唔同音樂播俾大家聽，減少對大家嘅影響。」
圖片來源：森美@Instagram