恭喜！恭喜！
一聲我願意！陳凱琳正式成為鄭太！而鄭嘉穎亦開心做老襯！
今早，嘉穎進行接新娘儀式，為娶得美人歸，他有求必應，阿Grace 要求下，他更唱出自己歌曲《一千個願意》，又抱起Grace由走廊行入大廳，足足200 呎路程，向雙方家長進行斟茶儀式。嘉穎說：「唱歌好簡單，無辦法，娶老婆點都要做，好彩Grace啲伴娘姊妹好易話為，算係咁！都係抱咗Grace出去啫！」
今天下午三點，一對新人在The CHAPEL行禮，鄭媽媽及陳凱琳父母見到兒女成家立室，當然喜上眉稍！
婚禮現場，陳父拖着女兒陳凱琳進入教堂時，賓客歡呼聲不斷，鄭嘉穎見到新娘亦露出幸福笑容，陳父把女兒的手交托在鄭嘉穎後，陳凱琳甜甜地笑，在主禮嘉賓見證下禮成，鄭嘉穎當然要親吻太太！台下的《鐵馬尋橋》兄弟馬國明，林子善夫婦、黃嘉樂及女友、唐詩詠，《風雲》舞台劇出品人陳淑芬、黎耀祥夫婦、曹永簾一家及黃智賢夫婦，見證這溫馨動人一幕，大家都戥新人高興。嘉穎說：「望見Grace走進教堂時，我忍唔住了，流了幾滴馬尿，哈⋯⋯今次婚禮，我當然感動，尤其是大家除了在禮台上講一些基本說話外，我地仲特別講對方一些深入嘅心底話，所以我覺得比其他婚禮特別嘅！」嘉穎又多謝到來的嘉賓，「早幾個月前已通知他們，因為佢哋要度期，所以好多謝他們抽空來見證！」
註冊儀式完成後，新人同嘉賓拍照留念後，都回房暫時休息及換妝，接着出席黃昏開始的wedding party 及晚宴！
二人嘅婚戒係BVLGARI marry me鉑金鑽戒，在婚禮上，陳凱琳又會戴Bvlgari鑽飾，住的又係Bvlgari resort,似乎陳凱琳對Bvlgari情有獨鍾！