葉蒨文（Sophie）昨日（7日）接受薛家燕、范振鋒、思敏主持的新城《開心大派對》節目訪問，對於有份參與TVB全新戀愛綜藝真人騷《女神配對計劃》，她表示劇組為真實感，每次的錄影內容，要化妝後才會知道。家燕姐好奇她有否遇過瘋狂fans參賽者，她則表示沒有，「參賽者都係醫生、律師、香港運動員、老闆，佢哋本身都很淡定及真誠，佢哋反而好緊張，而且職業不是我的選擇重要考量。」
Sophie被問到擇偶條件時，坦言要找一個可以經歷人生高低起跌的人。家燕即追問她：「咁你之前有冇拍過拖？」她坦承有拍過，但亦很無奈，「都有拍過，上一段拍咗6年半，對方年紀大自己14年，但佢好有童心。不過喺疫情期間，佢經濟出現問題，導致情緒問題，從此好難行，已經盡力陪佢走一段路，始終冇緣分繼續行落去。」而這段感情結束之後，她一直單身至今已經一年，她坦言現時有追求者，但未有合適的對象。
Sophie不認為做藝人給人感覺好難可以拍拖，因為只是一份工，「點解畀人錯覺難追求？因為見識多了，其實現今社會好多女強人。」她坦言不喜歡富二代，「自己在英國讀書，有好多富二代。而可能我係單親家庭沒有爸爸，我好鍾意畀人錫，好多富二代都有王子病，認為已為女方付出了好多。」她又自言性格一向硬淨，如果拍拖的話，想做回小女人，想找一位可以依靠的對象，不想給人強過對方的感覺，而且有一樣擇偶條件是非常重要，「對方最緊要善良及一見鍾情，我的直覺好強好敏感的。」
