由《聲夢2》學員侯雋熙（Duncan）、彭家賢（Zayden）、陳昊廷（Timothy）、江廷慧（Vivian）、李茵彤（Desta）組成的Plan V推出單曲《FAT FAT FAT CHOY》，邀請到重量級嘉賓——樂易玲參演MV，在年廿九推出跟大家拜個早年，Plan V說：「我哋未必定義呢首做賀年歌，希望大家全年都發財，所以要loop足成年，就一定發達喇！」
能夠邀請樂小姐參演，Plan V感到非常榮幸，「多謝小姐！我哋用盡三寸不爛之舌，誠意十足咁邀請樂小姐出山。其實萌生呢個想法都好瘋狂，相信都冇咩人夠膽咁做，我哋真係硬住頭皮去問小姐，小姐諗咗2秒之後話『好吖』，咁我哋就知今次掂呀！同埋都要多謝同事幫口先至可以成事！」
Plan V五位成員在MV中化身穿越古今的不同角色，「《FAT FAT FAT CHOY》呢首歌食正全世界大家嘅願望，就係發財呀！希望大家都發達！」Zayden飾演貪官，拿盡所有金銀珠寶，他說：「我係一個韋小寶，其實我係一貪官凡係金色嘅都要！」Desta飾演神婆指點大家迷津，她說：「因為佢哋話我平時係好鍾意風水命理，係個星座人，所以今次就試下做埋一份。」
Duncan飾演一位大哥，成員見到他造型十分雀躍：「你見佢（Duncan）唔著衫就知咩料啦，成個烏鴉（張耀揚在《古惑仔》的經典角色）咁！」Duncan說：「估唔到真係唔著衫囉，我準備咗好多花恤衫㗎！」大家異口同聲：「你行出嚟就係要唔著衫！下次我哋再拍MV可以唔使再幫佢book衫㗎喇。」
Timothy飾一位成手銀紙飲靚紅酒的有錢人，他笑言：「頭先好爽呀，佢哋喺火車下面追住我灑錢！」成員都最笑他表情囂張、入型入格，但Timothy續說：「啲錢掉完我要自己執返㗎！頭先灑到成地都係呀！」Vivian表示為了自肥，今次飾演一位貴妃，成員見到她立即說：「參見娘娘！」不過原來娘娘有苦自己知：「我今朝3點AM就起身去到studio化妝，我付出好多㗎！」
更多圖輯：
