HOY處境劇《你的保安 李寶安》昨晚（26日）首播，錄得最高收視9.4點，HOY採取跨平台策略，於YouTube上架頭四集。雖然收視不俗，但網上亦湧現許多負評，包括「太多食字Gag，好似時光倒流睇緊《歡樂今宵》盧海鵬做趣劇」、「講真，真係笑唔出，好尷尬」、「本身好期待，但啲畫面流到咩咁」、「唔該唔好再吹奏帶風向，又kam又難睇」、「句句都為講而講，又要押韻，又要抄星爺」，當然亦有評論讚笑料密集，李尚正、麥沛東演出精彩。
與其正面對撼的《愛·回家之三代同糖》今日（27日）舉行宣傳活動，監製羅永賢、車婉婉、樊亦敏、歐瑞偉、李偉健、李茵彤、何依婷、侯雋熙、趙浚承、徐榮、容天佑、關曜儁出席，眾人化身成不同人物預祝萬聖節。車婉婉與樊亦敏化身「萬貴妃」與「嫦娥」，她們透露今晚劇中將會以相同的造型出現，被問到有否留意《你的保安 李寶安》時，車婉婉指昨晚八時許仍在公司開工，只留意到樊亦敏的出場場口被觀眾不斷重溫。
談到《你的保安 李寶安》的收視佳績，羅永賢表示也是剛剛收到消息，以平常心面對，「做好每日自己工作、度好自己嘅劇本，演員拍好佢哋嘅戲，咁就Ok啦！」他表示不爭一日之長短，「每日度觀眾鍾意嘅嘢，自然就會好，我哋個劇唔係做一日，係做一個月、一年、甚至做一、二千集，所以不爭一日，我哋會做好佢！」
更多現場圖輯：
