Aska張馳豪推出新歌《一個人的生日歌》，正好為即將迎來的生日（3月5日）贈慶。團隊為了送上生日驚喜，邀請到Lolly Talk成員Tania（陳紀澄）擔任女主角，Aska說：「真係好surprise！我唔係今日先知，係頭先Tania行過嚟嗰下先知呀！」被問到在MV中會如何互動，Aska：「我哋冇咩互動㗎喎……」Tania馬上回應：「有㗎！我係演一個成日落嚟嘅客人，知唔知點解呀？係為咗嚟見你呀！」Aska一聽即頓時變了怕醜仔。
二人聊天發現原來大家都是「I人」，Tania說：「我都係第一次參與拍攝人哋嘅MV，所以心情都有啲緊張，嚟到見到成個環境好有feel，同埋見到Aska真人都有啲緊張，咁就可以帶住呢份緊張演埋佢，可以playful啲。」然後又提到大家都對廚藝有研究，Aska喜歡手沖咖啡，而Tania求學時曾到酒店甜品部實習，懂得整蛋糕及咖啡拉花。他們都有上戲劇堂，今次拍攝MV正好學以致用，Tania說：「頭先最後一個scene，劇情講我係滿心歡喜去搵佢，點知佢生日提早收舖拒絕我，然後同我講『我唔想再見到你呀』（咁咪好hurt？）係呀！我爭啲眼有淚光！但係咁就好好地令我好自然做到嗰種感覺。」
談到新歌《一個人的生日歌》，Aska分享近年生日都是一個人過，「因為人大咗唔似細個咁好期待呢日降臨，想平平淡淡地過，生日願望都變成大家身體健康平安就好。有時覺得一個人過生日，或者工作中度過都幾開心吖，反而一大班人慶祝好似仲有壓力。」
更多圖輯：
