周殷廷（YAN TING）首個個人演唱會《WHO IS YAN TING LIVE 2024》昨晚（14日）於九展舉行，以一曲《Killa》揭開序幕，然後跳唱《小姐你好》及《Gonna Be Alright》。有擔任導演工作YAN TING拍攝了訪問自己的片段，以導演角度大談對今次開演唱會的感受，他表示這次個唱是由YT導演加上藝人周殷廷一齊構思，當中有好多音樂及環節，希望大家享受。 最近周殷廷與網絡天團JFFT組成新男團JFYT，並推出新歌《Hands Up》，團員以全白色西裝登場，又扮作韓團以韓文與觀眾打招呼，YAN TING指香港現在有很多男團，但JFYT是香港第一天團，笑言有些團好垃圾，又引用Tyson Yoshi在《CHILL CLUB》頒獎禮上所講：「唔係我哋勁，係你哋廢！」笑問觀眾：「我哋有冇Super Junior的影子，有啲old school！我都知香港而家有個團好勁，我哋要挑戰，直接抽贏佢哋！」說罷即表示放完炸彈要走先。 YAN TING獻唱《晨星》時，指這首歌是寫給15歲時的自己，「我不太敢回望15歲的自己，當時我說想做歌手。我由沒有自己的演唱會，到今日有三千觀眾，呢首歌叫自己唔好放棄，我堅持二十年到今日。我想同大家講，老豆、媽咪、阿哥，希望有令你哋驕傲。」哽咽表示追夢過程好孤獨，但有好多戰友一直陪伴去拚搏夢想。…
由梁思浩、黃紫恩（Jojo）及黃耀英主持的TVB Plus節目《直播靈接觸》，昨晚（14日）討論話題為「狐仙」，嘉賓為葉子楣及狐仙信仰專家林千博師傅，葉子楣一出場就大騷其多年不變的21吋小蠻腰，期間又笑指身邊79歲的林師傅似好友「光B」尹光。 葉子楣1990憑三級電影《聊齋艷譚》中飾演白狐仙一角，成為一代性感偶像，更傳出她拜狐仙，所以能瞬間瘋魔萬千男士。葉子楣昨晚在節目中大方否認，她笑言︰「冇拜，連拜狐仙呢樣嘢都係今日先聽到。」身旁的林師傅亦證實說︰「1990年佢紅嘅時候，香港都未有狐仙堂。同埋拜狐仙有樣睇，明顯睇到佢冇拜。」 葉子楣續謂拍過多部鬼片，但慶幸未遇過怪事。反而有次出席親友白事時，有靈異遭遇。她說︰「殯儀館位堂倌同我講，有三位『小朋友』跟住我。」之後她找師傅做法事及放生雀仔化解，自小不吃肉只吃海鮮的葉子楣慶幸說：「聽人講放生乜嘢，就唔可以食返。」所以對她沒影響。 此外，林師傅表示一般人都將「狐仙」及「狐妖、狐狸精」混為一談，其實是非常錯，「一個係仙、另一個係妖，已經唔同。」他承認有不少風塵女子、演藝界人士信奉狐仙，目的是想增加人緣。Jojo附和表示拜過狐仙後，試過同一時期有十多位男士埋身，受寵若驚。 梁思浩即場則爆料，林師傅在廣告時間告知他，圈中有一女星是拜狐仙，確是非常漂亮，也很正氣，更是當年最紅女星，比葉子楣再早出道，令葉子楣心癢癢很想知道是誰？
電影《九龍城寨之圍城》上映15天，票房今早已衝破5000萬大關。本身是資深動作指導，亦是今次戲中主演的伍允龍及張文傑，前日應邀出席學生特別場，與在場過百名中學及大學生面對面交流，並邀請一名學生及教師上台互動。該歷史科及公民科教師表示，是次帶學生觀賞這部描述香港歷史的電影，對學生而言絕對有深層次教學作用。除了交流分享，張文傑更即席表演後空翻動作，同時抱參與互動的男同學翻了一圈，讓對方親身感受後空翻動作。 在場學生提問武打演員的內心感受？伍允龍回應：「吞劍、跌落街是假的，都是電影的魔術，但動作上我們都要親身去做，格鬥、打鬥、跌倒地上，都是真的，至於心態就是盡力做好件事，讓觀眾看到部戲而興奮，做演員最難的是，拍了數天才看到數分鐘的片段，拍10個take都要顯示有一樣的精力。」 張文傑被問到其角色「四仔」需要蒙面，會否影響演出意欲？張文傑回應：「我都會問既然是蒙面，是否任何人去演都可以？而且發覺角色所用的面罩似底褲，最初拍攝時更被劇組人員取笑，笑到我也尷尬，但當我投入角色後，我就要求導演先不要在漁排重聚一幕揭露我的真面目，待返回城寨打才露真面目，最終導演接受這個意見。」張文傑透露，自己從小習武，是動作演員出身，接到這齣電影演出，就有一種「練功多年，就等一個機會」的心態。
無綫劇集《神耆小子》昨晚（13日）播出第六集揭開不少謎團，原來當年找人打跛趙子勇（蕭正楠飾）的幕後黑手並非錢大海（鄭則士Kent哥飾），而是錢有方（傅嘉莉飾）前夫。趙一鳴（冼靖峰飾）與多多（羅毓儀飾）亦被揭出不是子勇及繼來（曹永廉飾）的親生仔女，前者是子勇離世哥哥的兒子、後者是繼來前妻出軌司機後所出。昨晚焦點場口則落在聶鎮江（魯振順飾）使計陷害繼來及大海的劇情上。 與繼來鬧翻的聶總，為了將自己利益最大化，竟以50萬港元企圖勾結阿Jack（吳子冲飾）拍下與大海紅顏知己洪玫瑰（樊亦敏Amy飾）的牀照。為了營造氣勢，聶總相約Jack到陽光普照的天台講數，身穿白Tee的Jack不但熱至滿頭大汗，雙眼更被曬至睜不開；相反聶總全程氣定神閒，還著住Mark哥褸，其實拍攝當日高溫難擋，「係好熱呀，熱到我要食正氣丸，現場工作人員好好，畀咗啲藿香正氣片我食。Amy又好好，借咗把遮俾我遮太陽。」 至於Amy劇中的「牀照」，雖然只是合成照，但為了逼真度，玫瑰還是躺在牀上露出大半個膊頭及手臂拍攝合成原材料。Amy受訪時坦言已是盡了力去性感，並笑言：「張牀照係特登影嘅，露咗一邊手臂出嚟，都好難得吓，驚再露太多會引起恐慌。」她還笑言劇集的「露點擔當」，落在Kent哥、Archie及子冲身上：「子冲同我遲啲會有牀戲，佢會冇著衫、滿頭大汗咁攬住我，仲會爬出窗添。呢套劇嘅男士，裸露程度係多過女士嘅。Kent哥第一集已經露咗兩點，子冲都成日露兩點，Archie都有露點，老中青三代都露晒點。」昨晚一集另一搞笑位，是Amy為了掩護私會中的阿Jack，竟想到在大海面前無厘頭大跳《叉燒包》，Amy的超投入的忘我演出，贏得不少正評。
30歲韓國男團GOT7出道的香港成員王嘉爾（Jackson），自從單飛後聲名響遍世界各地，剛於周日（12日）播出的TVB節目《芷珊約您》，主持黎芷珊直擊Jackson首個巡唱中國區第一站澳門演出，及進行深度專訪，探討其內心世界。 Jackson在節目中透露內心秘密，自言近十多年根本沒有固定的家，讓人心酸的是就算回到香港的家，感覺也像酒店一樣，「我好在乎、好愛嘅人喺度，咁嗰個就係屋企。今次阿爸阿媽嚟（澳門），感覺好似行入佢哋間房咁，有種energy。」香港土生土長的Jackson，指香港給他家的感覺，希望完成工作盡快回港。 早前身在上海的Jackson，被網民爆料他與哥哥一家到來為母親慶祝生日，小紅書一堆網民都拍得他在上海出遊的片段，既有在上海街頭踏共享單車遊覽、與家人和朋友浩浩蕩蕩往動物園遊玩、到食肆享美食、與小姪女坐着電動行李篋在街頭遊走等片段，Jackson完全當自己是個普通人，被拍也沒有不耐煩，繼續專注玩、看動物、與朋友傾偈，又十分樂意跟食肆的客人簽名和合照。
https://www.youtube.com/watch?v=g3C9C_hTqS8 胡楓今日（14日）為即將在澳門舉行的《無限楓騷演唱會2024》綵排，與嘉賓羅蘭、張繼聰、蘇永康（阿公）合唱《朋友》，修哥好開心獲好友及後輩撐場，這次有20多位嘉賓，包括契仔張家輝、契女斑斑；羅蘭姐與修哥相識數十載，見證他與太太拍拖到結婚。阿公大讚修哥對生命的熱誠，好值得大家學習，阿聰10年前與修哥合作拍戲，見他在片場一直踱步，不會坐底，原來這是他的養生之道，自此他也開始效法，不過，因為即將要為電影開工，為鍛鍊肌肉，展示鋼條身形，所以要暫時停止「養生」。 阿公透露個半月前，再次感染新冠病毒，食了10多日中藥治療，至今聲底才恢復9成，順利完成日前在大馬舉行的個唱。近年病毒傳播漸趨嚴重，阿公認為做歌手要特別懂得做好保護措施，仔仔返學時亦好容易與同學交叉感染，之前經常發燒，自從早晚洗鼻之後，由去年10月至今，都沒有再發燒。 更多現場圖輯：
英皇新簽的00後唱作新人曾傲棐（Arvin）昨日（13日）推出處男作品《FM520》，由Jay Hong、INDY、Jaykick作曲編曲、陳詠謙填詞、廖志華監製，是一首sweet到爆的R&B小情歌。 出道作是關於「五種愛的語言」，包括甜言蜜語、全程望着對方的精心時刻、禮物時刻、服務行動及令人心跳的身體接觸，典形水瓶座的Arvin坦言，是一個很需要跟別人傾偈的人，「歌名『FM』就係stands for『frequency modulation』，希望喺愛情入面可以搵到一個同頻率嘅人，唔使講好多嘢，已經勝過千言萬語。」Arvin說今次收到陳詠謙的歌詞時已十分喜歡，覺得充滿自己「吹水佬」特色，「呢隻歌當然係一隻好sweet嘅歌，但有啲位例如歌詞『然後扮演小魔星』又或者喺演繹嘅時候，我都會比較偏向用自己一啲百厭唱法去表達俾大家聽，希望大家可以了解多啲我！其實我有時候係一個冇厘正經嘅人，就算追女仔，我都唔會一本正經，反而講好多廢話。」 Busking出身的他，最初不太習慣於錄音室錄音，需要時間掌握busking與錄音在技巧上的分別：「一開始覺得自己係零，諗太多點樣呈現監製要求嘅效果，而變得綁手綁腳。好多謝監製廖志華提點，同埋其實有啲take我哋過咗，但喺錄音室嘅時候，我哋就覺得如果想行遠啲就要再做得好啲，我就同華華講『你唔好放過我呀！你覺得有少少唔得，就算啲音可以執到，你都俾我唱多take啦！』」 MV中，Arvin飾演一個來自外太空其他星球的人，在他乘坐的太空船內，有一個通訊裝置，他不斷調頻看看有沒有其他人可以跟自己對頻，「好好彩同到一個地球嘅女仔synchronize咗，通到話，我就嚟到地球，接埋佢一齊向着我哋未知太空嘅旅程進發，就好似大家搵到自己啱嘅另一半，喺未知嘅愛情入面探索唔同可能性。」首次拍攝MV，面對多部攝影機的Arvin坦言十分緊張，「一路以嚟就算唱歌都好，都係自己匿埋喺屋企衣櫃度錄歌，哈哈！第一次有啲緊張，好驚阻住人收工！」除了面對鏡頭，拖女仔手亦令他大為緊張，「好耐冇同人拖過手啦，呢個MV雖然唔算多親密接觸，但係第一次拍MV就要拖女仔手，係有啲緊張！」 為處男作品加緊宣傳，昨晚（13日）Arvin就擔任網上音樂平台嘉賓，並為主持湯米（米爺）送上大驚喜。由於米爺於早前的音樂擂台比賽落敗，所以需要做一次音樂擂台替班，於是他便找來Arvin拍檔，由於每次上音樂擂台的歌手藝人都會送上禮物，Arvin得知伍詠薇是米爺的女神，所以便特別訂造了一個伍姑娘的人形紙牌送給米爺。 進入唱歌環節前，Arvin搬出「伍姑娘」讓米爺親自「開封」，開封見到伍姑娘後，米爺立即呆在當場，定一定神後便說：「你好有諗頭喎！你好有feel喎！」然後一直望着伍姑娘，Arvin笑道：「你望吓我啦，你唔好淨係望住佢！」Arvin表示有叫過伍姑娘上來，米爺難以置信，「你真係有問過，咁癲？」他坦言沒想過有人會將自己的說話放在心上，「有一段時期係好仰慕伍姑娘㗎！我真係好多謝你呢份禮物！多謝你！」昨晚Arvin共唱了十多首歌，不少網民都大讚Arvin，「新人金等你」、「果然真係好勁」、「耳朵一秒懷孕」、「已沉粉」等。
https://www.youtube.com/watch?v=g3C9C_hTqS8 黎耀祥、龔嘉欣、丁子朗、孔德賢、倪嘉雯、袁文傑等今日（14日）出席新劇《香港探秘地圖》造型及拜神，丁子朗在劇中飾演導演角色，他說演繹雖然有難度，都不及溝姐姐難度高，「今次真係有難度挑戰，因為要溝姐姐，劇中講我要溝龔嘉欣，自己第一套劇已經同她合作，所以再合作都好開心，今次又可以同祥哥（黎耀祥）合作，我想知可以喺佢身上學到咩，我當自己上咗一堂免費演藝課程，真係好抵。」 回復演員身份，問到他係咪唔唱歌，專心做返演員？「係專心做演員，但都會繼續唱歌，咩都撈吓囉，希望有機會出歌，但都要睇觀眾的反應。」對於有指TVB打算自組男團，丁子朗更是內定其中一員，「暫時唔知，都係你哋問我先知，一切隨緣啦，因為內地嗰隊（Loong 9）都巡唱中，有好多活動，可能地區性問題，香港代表不太方便參與，咁香港搞返隊都係好事，但有咩人組團我就唔敢講，不過內地巡唱有邀請我哋做嘉賓，都好搞笑，都要度期先知去唔去到。」 更多現場圖輯：
全城關注76歲何伯與43歲「新何太」昨晚（13日）再現身《東張西望》節目，何太對於一整個星期網上海量惡評，自認看了一個晚上的數千個評論到凌晨4時，令她轍夜難眠。何伯緊接着說：「攻擊我哋嗰啲我當佢哋係瘋狗，佢哋根本唔理、唔知我家事點樣發展，就信晒嗰一班反派，嗰5個忤逆仔女。」何伯直指5子女拿走他的錢是想他死：「根本想我死，咁就佢哋分囉！」 何太激動說他們捲走所有錢，只剩$4,200仍留在何伯的帳戶，並說：「我唔要佢嘅，佢俾咗隻錶我話去當，我都話唔要住，我仲有錢頂得住，你留住先，萬一我聽你話攞你隻錶去當埋，仲俾你啲仔女話我騙子呃你錢，我頂唔順，因為我係好注重名聲嘅人，邪不能勝正嘅，我哋為人正直，我哋會堅持走返自己啱嘅路。」 至於原想拿$100萬做生意一事，網民指何伯被灌迷湯，何伯反駁說自己很清醒，錢是他賺回來，卻被子女盜走了所有。對網民撐他的細女幫他保管那$450萬積蓄，他卻說：「佢保管到我死嗰日，我點樣做生意啊？」何太被主持問到網民覺得她貪何伯的錢，她笑了兩聲說：「你哋太膚淺啦！（咁你愛佢啲乜嘢？）咪鍾意佢錫我，我覺得幸福囉！」 何太再賣溫情指與前夫生的18歲兒子，說要放棄學業賺錢養「叔叔」。問到她會否外出工作賺錢養何伯？她說：「會，我一定會諗到生存嘅方法。」她說由於老公不讓她一個人出去打工，或許她回內地擺地攤煎牛扒，都會帶同何伯一起。 提及她身上至少$36萬行頭，何太自揭珠耳環、包包（不是她之前拿着的名牌包）都是A貨，但卻曬出2隻流星錘龍鳳鈪，指是情人節老公送的禮物，價值接近$10萬。 節目結束後，fb群組「何伯&何伯老婆關注組」再次引起熱烈討論，之後成員人數更已突破7萬，有「匿名參與者」發文，留言：「大家好，本人是何家子女代表，當日從銀行提取港幣四百五十萬款項只為維護我家何姓自身權益，而家父日後的生活所需我們當然會負責到底，至於家父續弦再娶的我們一致表決不會，亦無必要及義務責任供養，如『新何太』有任何異議，歡迎以法律行動解決，而我們何家五子女亦會以法律行動追討在此期間『新何太』向家父所得的所有財產，謹以此平台宣佈」。 隨後再有「匿名參與者」發文指：「因為我哋老竇（何伯）封鎖咗我哋whatsApp，我哋惟有喺度同佢講嘢，希望大家唔好介意。」至於《東張》預告今日晚播出二人當日邂逅的街市，有檔主大爆何太是心機女灌迷魂湯，「佢初時同何伯話做契女，又話做老婆都得。」
今年是小肥入行17年，他決定在六月十三日48歲生日那天，連續兩日在麥花臣舉辦《小肥「完全變態」演唱會》，「完全變態」唔係講小肥變咗態，佢話只想分享破繭而出百份百的自己，「『完全變態』係我讀書上科學堂時認識嘅學名，係形容由蟲破繭變成蝴蝶，完成最終形態嘅階段，讀書時已經好鍾意呢個名，大學project就曾經用過，但掛係自己個騷，我覺得自己未掛得起，但係我覺得今時今日嘅可以，令大家認識到真正嘅小肥，所以就用咗做演唱會名。」 就好似演唱會海報，小肥造型有別以往，化上眼妝、塗了紅唇，服裝彩色斑斕，表情輕鬆自我，開心高歌，小肥說：「係呀！不過又或者大家唔係好認識真正小肥！講真，係出櫃前，我都唔係好認識自己，但出櫃後，愈來愈認識，所以介紹埋俾大家認識呢個新小肥。」服飾上，小肥更笑言已叫今次擔任服裝設計的Patrick Ho放膽去做，以滿足他八字要求：「花枝招展、歌舞昇平」，務求服飾令大家眼前一亮。 為了配合演唱會主題，小肥會推新專輯，當中有六首新歌，每首歌代表一種顏色，形成一條六種顏色的彩虹，小肥說：「想呈現的彩虹其實係代表LGBT（同志群體總稱）的一種精神，每隻色代表緊一種意義，剛推出的新歌《大巡遊》就係橙色，代表一種集體展現力量，後面會陸續出現不同顏色代表不同歌曲。」 至於選在生日開騷，小肥笑指是多年老死兼拍檔鍾楚霖最愛，繼早年在他生日澳門辦簽唱會，順道為他慶祝後，今年就提議他生日開演唱會，小肥想了想，又覺得都是一個與眾同樂，避開年齡增長、展現他的活力的好機會，於是落實舉行了今次生日音樂會，以新歌、新造型，將破繭而出百份百蛻變的小肥。