周殷廷（YAN TING）首個個人演唱會《WHO IS YAN TING LIVE 2024》昨晚（14日）於九展舉行，以一曲《Killa》揭開序幕，然後跳唱《小姐你好》及《Gonna Be Alright》。有擔任導演工作YAN TING拍攝了訪問自己的片段，以導演角度大談對今次開演唱會的感受，他表示這次個唱是由YT導演加上藝人周殷廷一齊構思，當中有好多音樂及環節，希望大家享受。
最近周殷廷與網絡天團JFFT組成新男團JFYT，並推出新歌《Hands Up》，團員以全白色西裝登場，又扮作韓團以韓文與觀眾打招呼，YAN TING指香港現在有很多男團，但JFYT是香港第一天團，笑言有些團好垃圾，又引用Tyson Yoshi在《CHILL CLUB》頒獎禮上所講：「唔係我哋勁，係你哋廢！」笑問觀眾：「我哋有冇Super Junior的影子，有啲old school！我都知香港而家有個團好勁，我哋要挑戰，直接抽贏佢哋！」說罷即表示放完炸彈要走先。
YAN TING獻唱《晨星》時，指這首歌是寫給15歲時的自己，「我不太敢回望15歲的自己，當時我說想做歌手。我由沒有自己的演唱會，到今日有三千觀眾，呢首歌叫自己唔好放棄，我堅持二十年到今日。我想同大家講，老豆、媽咪、阿哥，希望有令你哋驕傲。」哽咽表示追夢過程好孤獨，但有好多戰友一直陪伴去拚搏夢想。
李幸倪（Gin Lee）擔任嘉賓與他合唱《日出時讓街燈安睡》，Gin Lee坦言YAN TING曾經助她走出人生低谷，有段時期她對生活、生命失去動力，好絕望，但又要做歌出碟，全靠他不停作出鼓勵，「他幫我搞個project，用盡所有精神，出錢出力拍微電影、MV；除咗多謝佢，亦想講對唔住，嗰段時間我狀態非常差，自己顧唔掂自己，但原來佢都經歷低谷，我想到你嗰時幾痛，但你在垂死最後一口氣都扶我一把，我都應該關心你多啲。我而家狀態好好，我可以扶你。」
YAN TING整晚毫不吝嗇展示身材，到安哥環節，更真空只穿着外套上陣，觀眾不斷大叫「除衫」，最後，與三千觀眾合照留念，並請大家亮起手機燈，唱出最後一首歌《My Everything》，演唱會在一片燈海及歡呼聲中完結。
更多現場圖輯：