JACE陳凱詠一連兩場《JACE WORLD》昨晚（19日）圓滿落幕。演唱會上，全晚29首歌曲中，除了嘉賓環節，其餘全是JACE的個人作品。製作上更打破紅館常規開創企位，還有頭場被觀眾大讚的韓國演唱會運鏡手法，為觀眾帶來煥然一新的紅館視聽體驗。
JACE一口氣唱了13首歌才首度開腔，分享演唱會《JACE WORLD》的概念，比喻自己猶如蛇妖經歷修煉轉化為人的過程，當中有高有低，感謝歌迷陪她走過這段旅程。
緊接是昨晚焦點嘉賓林家謙出場，與JACE合唱《想突然》，期間二人更即興跟隨節奏，默契十足地跳了一小段舞。合唱過後，林家謙笑問：「點解初三會搵我嚟做嘉賓？」JACE聞言即發揮其搞笑本色回應：「我想搵你鬧交呀！今日我唔驚你，因為係我主場！」林家謙反擊：「但下一首歌係我主唱喎！」引得全場爆笑。
在JACE笑稱對方是前輩時，林家謙更毫不留情大爆：「我哋兩個係『1999』（出道）⋯⋯」令JACE連番否認，場面搞笑，足見二人交情非淺。玩鬧過後，林家謙貫徹擔任演唱會嘉賓的傳統，花心思為JACE準備了三張親手寫的揮春作為新年禮物。頭兩張走搞笑風，寫有「Chan春常駐」、「人人都JACE」，第三張則是「你太努力」，林家謙認真地說：「想你acknowledge（承認）吓你自己呢七年嘅努力，陳凱詠用咗我哋幾倍努力行到呢個場館，想你proud of（欣賞）你自己，承認自己太努力，所以大家俾多啲掌聲佢。」句句真摯誠懇的祝福，令原本笑個不停的JACE瞬間眼泛淚光，直言被林家謙殺個措手不及，強忍淚水匆匆收下揮春，說要落台換衫，火速逃離舞台緩和情緒，留下林家謙獨霸舞台。切合農曆新年，林家謙揀選了充滿「過年味」的《你最紅》，一邊唱一邊環繞舞台收利市，過個肥年。
Jace在Encore部分更別出心裁，以直播形式呈現JACE由台底邊唱邊升上舞台的過程，讓觀眾見證每個細節。在演唱《間歇性失眠》時，JACE坐在一張能夠升降、360度旋轉及45度傾斜的牀上演出。
在唱畢《天生二品》後，JACE感觸這是最後一場，並剖白自己的成長：「唉！今日係尾場，好想好想記住你哋每一個，原來開紅館係好唔容易。我天生唔鍾意比較，專注自己嘅嘢，天生算樂觀，有勇氣，但人愈來愈大，好似《天生二品》歌詞內容，能夠保持自己真我、自己性格，真係好唔容易，所以我好幸福，因為有屋企人……我今日諗咗好耐，盡量叫自己冷靜，但係都最後一日，下次紅館要等幾時。」說罷隨即哽咽拭淚。
台下歌迷見狀紛紛高呼「加場」，JACE即時破涕為笑，率真回應：「賣唔晒點算呀？你哋成日都呃人，口話支持但入場就冇人，咁點算呀？但係今日你哋入咗場，所以希望你玩得好開心。希望你哋都可以有力量，俾多啲信心自己，盲目啲去揀一啲支持自己嘅聲音去聽。就算自己未準備好，但係都好好keep住自己條路，繼續努力，一定搵到自己嘅世界，加油！」一番真摯說話贏得全場熱烈掌聲。
臨近演唱會尾聲，金馬影后鍾雪瑩驚喜現身encore環節。這位與JACE合作無間的音樂戰友，曾為她填寫《天生二品》、《想突然》、《收聲多謝》、《I WISH》等多首歌曲的歌詞，多年來見證她在音樂路上的成長。二人合唱了歌迷期待已久的《Sigue Haciendo 時機已到》，這首歌亦是由JACE與鍾雪瑩(筆名鍾說)共同填詞的作品，鍾雪瑩的Rap贏得全場歡呼。鍾雪瑩唱畢後並未有發言，向觀眾揮手後即降回台下，低調作風盡顯型格。事後JACE承認鍾雪瑩是一位被演戲耽誤的Rapper，問到二人將來會否合作出歌，JACE說：「以前我哋一齊創作咗好多歌，有諗過推出，不過佢依家電影工作太忙，都冇再諗。」
JACE不捨演唱會，觀眾一樣不想離開！演唱會落幕後，一半觀眾久久不肯離去，Encore聲此起彼落，最終成功呼喚JACE再度上台。她再次現身時笑向觀眾說：「聽日初四喎，你哋唔使返工嘅咩？仲唔走嘅？好啦你哋點唱啦！」盡顯親民率真個性。寵粉的JACE即場清唱了半首《蟠HOLD ME TIGHT》以及一曲《I WISH》。唱畢後她再次深深鞠躬道別，感謝歌迷不捨之情，為一連兩場的首個紅館演唱會劃上完美句號。尾場撐場歌手藝人繼續星光熠熠，包括魏浚笙、即將成為人妻的江海迦與未婚夫鄭子邦、柯煒林、談善言、早前入院接受半月板手術的釗峰，特意撐着拐杖前來支持，撐足兩場的張蔓姿、張蔓莎和顧定軒，以及吳啟洋、歐鎮灝、Sica、周嘉洛、馬天佑、等，眾人一同見證JACE首個紅館演唱會。
