朱敏瀚（朱仔）早前因踢波斷了兩條韌帶，農曆新年前入院做手術植入新型好幼的鋼釘，但傷口仍然感到痛楚。朱仔昨日（19日）在社交網分享日前去維園行年宵花市，更以輪椅代步，當天朱仔身穿黑色T-shirt配Cap帽示人，他的左腳則穿上腳踝支架以保護及固定傷處，即使飽受腳傷依然露出笑容拍照，無損心情，「我年頭踢波時整親左腳腳踝，斷咗兩條韌帶，之後2月頭做咗個小手術，預計三月先可以行得，預計三月開始都做返嘢，呢段期間左腳唔可以掂地行，不過因為唔想錯過每年新年行花市，所以就搵張輪椅贊助用一下，不過平時出入都係用返拐杖，因為都已經習慣咗，雖然目前都係康復階段，但我又照樣有同班兄弟去做gym鍛鍊一下。」他表示經過今次受傷，令他對行動不便人士有更深的體會，「因為開始用拐杖的時候，先發現原來香港街道好多地方都係凹凸不平，對用拐杖嘅朋友都好唔方便，所以如果行動不便嘅人士行得慢，希望大家都俾啲耐性，同埋對日常生活真係好唔方便，所以可以嘅話都對身邊唔舒服嘅朋友多啲關心。」
更多圖輯：
