張與辰前日（13日）到新城電台接受《勁爆樂勢力》錄音訪問，宣傳新歌《獨居的儀式感》，並分享新春大計與留港過年的感受。
談到新一年願望，與辰興奮表示：「除咗繼續寫更多歌，有更多作品同大家分享，當然係開多幾場騷！希望可以將演唱會帶到更多城市，尤其係我家鄉馬來西亞，回饋一直支持我嘅觀眾朋友。」
他透露去年在香港開騷時，不少大馬朋友專程飛來支持，但適逢跨年假期，未必人人有時間，「所以好希望可以將呢場演唱會帶過去馬來西亞，親口唱畀大家聽。」
今年是與辰真正首次留在香港過農曆年，他直言感受深刻：「好多年前試過一次喺香港跨年，但初二就走咗。今年感覺好唔一樣，我陪住大家去買年貨、年花，終於有回家嘅感覺，好期待喺香港過農曆年。」
被問到馬來西亞與香港過年習俗有何不同，與辰笑談「買花苦水」：「喺馬來西亞媽媽會負責佈置，喺香港我要自己去買花，又唔識揀，要問人『邊盆會開花』、『呢盆放到過年會唔會開』，結果天氣開始轉熱，啲花已經開晒，真係有難度！」
雖然在香港朋友不算多，但他已約好幾位好友團拜兼行花市，與辰表示：「我好鍾意行花市，係香港過年不可或缺嘅儀式感。」
