凌文龍在擔任創作策劃兼主演的爆笑舞台喜劇《三一萬能合》，夥拍麥沛東、岑珈其、何洛瑤（Sica）及張志敏，將以「外表缺失」為題。劇情講述三位各有內外煩惱的男人，為追求更完美的自己，決定接受科技融合手術，把三人的優點抽取、雜質剔除，合成一個「優化型男」。
首次擔任創作策劃的凌文龍表示，角色面對自身外表與內心缺陷，令情路坎坷：「係一個出賣靈魂的演出，對我嚟講係挑戰。荒誕故事中其實有好多深思嘅問題，希望觀眾可以同我一齊感受角色。」除岑珈其與Sica曾合作外，其餘演員今次可算首次同台。麥沛東笑言：「同珈其、小龍認識好耐，但冇合作過。今次好期待會有火花。」他更自爆演出前要「做好防禦」忍笑：「因為今次真係幾好笑，珈其、Sica、小龍都好搞笑。我哋角色嘅缺陷對角色嚟講係痛點，但觀眾睇就會覺得好笑，連我自己都想笑。」
岑珈其坦言今次壓力不小：「我自問唔係一個識做喜劇嘅人，喜劇嘅節奏同演繹都好有難度，係一個好好嘅挑戰。」他希望觀眾除了開心大笑，也能帶走一些思考。Sica今次將飾演多個角色，包括女朋友、前女朋友及護士，她表示：「第一次同麥沛東、小龍合作，好期待會有新火花。每一個新劇本都係新挑戰，壓力都幾大。」
