呂爵安（Edan）昨日（5日）出席活動，他與盧瀚霆（Anson Lo）當年合演劇集《大叔的愛》組成CP，兩人將在澳門合體開騷，豈料引起粉絲不滿，神徒不忿偶像並非Solo演出，揚言罷睇。Edan回應表示這次合作是客戶邀請，強調與Anson Lo是好好的朋友，好開心有機會一齊表演，「出道咁多年，兩個一齊合作表演都唔多，今次仲要一齊做演唱會，因此會好珍惜。」對於有粉絲揚言罷睇，Edan說：「大家去選擇鍾意睇嘅嘢，無得強迫，亦都絕對有鍾意嘅人想睇。」對於同公司另一男團ZPOT最近成軍，Edan好喜歡一班師弟，大讚他們好勤力，較MIRROR組成時更加有火，覺得他們跳舞無可挑剔，Edan認為公司投放在他身上的資源沒有被搶，反而出歌更加多。
更多現場圖輯：
