趙浚承（Gary）今年將踏入40歲，在《中年好聲音3》後推出個人單曲《從你我成為我們》。他最近接受在商台節目《星光背後》訪問，回顧了自己兩度進出樂壇卻耗盡積蓄的低潮歲月，並正面回應了被外界稱為「譚詠麟契仔」、比賽時受評擊及舊情史被翻出等種種爭議。
趙浚承接受梁泰來主持的《星光背後》訪問
2008年，Gary以四人男團Square出道，組合有「港版F4」之稱。他坦言，當年做模特兒時收入豐厚，月入可達七、八萬，但為追音樂夢，耗盡數十萬積蓄，最終組合只推出一張專輯便解散，成員各自轉行，「我做Model儲落嘅錢都燒晒，最後連車都賣埋。」Gary是組合中最後離開公司的人，只因他仍渴望擁有一首個人作品，「寫咗好多Demo畀公司想繼續出歌，我夢想好簡單，好想有一首自己嘅歌，但公司唔想再做，都要馬死落地行，先轉行做地產，再做手錶代理，之後已經幾年無諗呢行。」
2008年，Gary以四人男團Square出道，組合有「港版F4」之稱。
2019年，他因在明星足球隊中唱歌獲譚詠麟賞識，簽約環球唱片再度追夢，「做Square嗰時，已踢明星足球隊，一直無停，係華哥黃日華一次喺內地比賽中場叫我唱歌，再畀校長聽到。之後再有機會跟校長巡唱，同去北京參加《星光大道》比賽。」他又談及2019年第二次在港出歌的反應，「起碼有人叫我係譚詠麟契仔，但最終啲歌結果都係唔好，無人知亦無人聽，嗰次真係死心，係又轉行做生意，有人搵我唱，就當興趣唱。」Gary去年參加《中年好聲音3》，更被指因校長「關照」而晉級，並內定冠軍，但他澄清：「唔係校長叫我參賽，我無諗過報名《中3》，我已經死咗心，做緊球場生意。只不過到報名嗰陣，好多人叫我參加，龍婷又打畀我；同馬國明踢波，佢好多次問我點解唔報名？最後係啲朋友幫我填埋Form再抱住嘗試心態去。」他透露參賽初期內心掙扎，狀態起伏，是在太太的「責罵」下才決心認真比賽。
對於比賽期間面對的種種批評，包括指他有後台、與陳靜（Dada）的舊情史被翻炒，Gary表現坦然：「好過以前無人提。我第一時間只係擔心太太點諗。」如今身為人夫人父的他，坦言第三度出歌已不抱企圖心，「之前打擊太多，我只係想做好一首滿意嘅作品。」他明白娛樂圈後浪推前浪，但仍希望把握機會，留下屬於自己的音樂足跡。
