李龍基未婚妻王青霞（Chris）出獄後，返回內地，近日被爆早於2007年與陳姓男子結婚並育有16歲兒子，現居於佛山並在王父的工廠工作。李龍基接受訪問直認兩人結束相差36年的「爺孫戀」。
75歲的李龍基語氣平靜地表示已經完全放下，但期間兩度掩面落淚，他表示自王青霞返回內地後，兩人漸行漸遠，冬至後正式分手。他說︰「冬至飯後我乜都明白啦，我係第三者，冬至咁重要日子都唔同我過，冇得瞞啦，所以佢正式提出分手。我哋傾過後，我保證唔會做傻事，亦唔會傷害佢，算係和平分手，依然會保持聯絡。」他回憶當日送王青霞返回內地時，仍計劃結婚，但後來發生了很多事。被問到是否遭「瞞婚」，李龍基僅表示「愛一個人就要相信佢」，強調從未問過她的婚姻狀况。
李龍基談及冬至當日心情好難受，明白成人之美是好事，未曾怪責過她。至於會否對女方的丈夫及兒子感到抱歉，李龍基連說八次「冇」。他說：「不知者不罪，知道之後咪祝佢哋幸福囉，家庭美滿，開開心心！我冇嘢，OK嘅，得嘅，70幾歲人，有乜未經歷過？感情啲嘢，有時嚟有時去，控制唔到。」李龍基被問到未來會否再開展「爺孫戀」，他笑言：「點解唔敢？我使驚？」他透露曾有命理師批命指他「好有女人緣，啲女人任我揀。」
更多圖輯：
