Edan訪問老Best蔡俊彥。
MIRROR成員呂爵安（Edan）與港隊劍擊隊代表、「世一」的蔡俊彥（Ryan）為大學室友，昨日（16）Ryan在全運會男子個人花劍賽，不敵福建許杰八強止步，Edan以ViuTV特約記者身分到場採訪，二人在訪問中互窒互Mean，十分生鬼。
Edan對Ryan落敗感可惜，問及對方心情時，Ryan表示：「本來好唔開心，見到你（Edan）開心好多。」Ryan再說：「本身都冇唔開心，因為𠵱家大個仔喇，唔會因為一次失落就唔開心。」然後Ryan帶笑窒Edan：「即係好似你咁，唔會因為走音就唔開心，如果唔係，你咪成日都唔開心？」
Ryan又稱比賽有贏有輸：「如果每次輸都唔開心，我就會抑鬱㗎喇！」當Ryan表示因抱恙兼Jet lag，Edan即擰轉面兼問「有冇口罩？」，接着掩口再笑Ryan：「咁好多原因可以講。」Ryan聞言再窒Edan：「好多藉口㗎，即係你走音都好多藉口。」Ryan還自嘲是「感冒型運動員」。
及後Edan訪問銅牌得主張家朗時，則收起調皮本色，一本正經採訪，兼幫好友Ryan追問兩條問題，表現被讚莊諧並重。
Edan在社交平台貼出採訪證及訪問片段，留言：「突如其來的一天體育記者體驗，好玩！」Ryan留了兩個Kiss的emoji，卻遭Edan嫌棄：「病就咪錫啦！」而在threads內，Ryan留言給Edan：「唔好做歌手，以後做記者啦！」Edan則回覆他：「你咁似啲傻瓜haters duck ng duck ga（得唔得㗎？）」
