李彩華今日（11日）出席活動，適逢是她42歲正日生日，大會更送上刺身生日蛋糕為她慶祝，她表示今日要工作，晚上才相約朋友慶祝；自21年離婚後，雖然一直單身，但追求者卻不斷，「𠵱家要努力搵一個，好好要相處一下，身邊都有追求者，但有啲男仔太黐身，好想快啲確定關係，但有啲就蠢蠢地，所以都要時間相處，自己就唔急，最重要大家相處開心，我要慢少少，但要有感覺。」
Rain表示追求者00後無問題，「18歲小鮮肉都ok，00後都可以，暫時只有07後，唔同年齡有唔同年齡嘅開心，自己細時喜歡成熟哥哥，𠵱家弟弟又有弟弟嘅好，有青春感覺，我好享受追求及曖昧嘅感覺，不過同我真正拍拖壓力會大，所以追我嘅人都要好有勇氣，要接受到出街會怕俾人望。」而她在昨晚於社交平台貼上慶生照，身穿紅色吊帶裙外披黑皮褸的她，身旁就有一個八嚿腹肌的小鮮肉。
對於外貎經常被誤認與周汶錡相似，「我無見過佢真人，可能只係睇相感覺似，唔緊要啦，通常美女先會俾人話相似，最緊要開心，不過我就覺得真人唔似，但可能影相或拍片某啲角度似，無辦法，大家都係美人。」
更多現場圖輯：
