無綫總經理曾志偉、陳百祥、黃杏秀、高海寧、周殷廷、楊受成、陳家樂、許靖韻、陳詠詩、施宇琪、袁文靜、李尹嫣、丁子高等昨日（9日）到沙田馬場出席《莎莎婦女銀袋日》活動，對於日前陳百祥爆料指志偉加入無綫任職高層，只為炒余詠珊，志偉封阿叻做「演藝界特朗普」及回應：「阿叻語不驚人誓不休，不過等到明天佢又反駁自己尋日嘅說話，所以冇乜所謂，喺呢個圈有咩未見過吖？」志偉表示與譚詠麟已見怪不怪。
阿叻又指曾勸志偉不要再做無綫高層，而碰巧又傳出志偉11月底離開無綫，他笑說：「我就快唔做啦！留返台慶再講。」志偉覺得所有人都應該靠自己，無綫就是輔助器，雖然全世界電視台走下坡，但始終要有傳統媒體提供免費娛樂及新聞資訊，「人口老化，都會留喺屋企睇電視，而且疫情過後大家習慣6點半食晚飯，睇《東張西望》收視就知，自從節目延長1小時，收視仲升咗，大家都想睇有公信力內容。」
海俊傑在社交平台公開籌募70萬元手術費，助病妻換肝，志偉透露已派人聯絡他，了解事件，「應該點樣幫，唔要好心做壞事，有需要就幫，大家都係演藝界，以前我負責演藝人協會，都立即做啲嘢，始終人命關天。」
更多圖輯：
