陳蕾親自作曲填詞《天損之人》近日推岀，新歌如同前作《伸縮自如的愛》，歌名靈感同樣源於陳蕾很喜歡的一套動漫《Hunter x Hunter》裏面嘅招式叫做「天上不知 雖我獨損」，不過歌名太難記，被唱片公司打回頭，改了《天損之人》易記些。
「當時就覺得呢一招好有型！所以就想用嚟寫歌，不如寫一首覺得好似被選中嘅人咁，所有黑仔嘅野都係畀我遇到！『嘩！又係我呀？！咁黑仔嘅！次次當災嘅嗰個人都係我嘅？！』嘅歌。而新歌所講嘅嗰個應對方法就比較似係我自己嘅處理方式，因為我覺得我自己係一個『怕事』嘅人，所以我通常遇到一啲是非或者需要爭論嘅情況我就會選擇迴避啦！係迴避唔係逃避！因為我唔想去正面交鋒，正所謂『相嗌唔好口』吖嘛！無謂大家一人一句傷感情啊！咁所以我就會選擇用沉默去應對呢啲情況！」
