林敏驄、柯煒林、ANSONBEAN等昨日（12日）昨日到沙田為電影《觸電》進行謝票，林敏驄表示獲「家人」前來支持，原來是與他在電視劇《下流上車族》飾演其妻的江美儀和其女兒的羅毓儀。阿驄說：「今（昨）日我個親生女蔓蔓（羅毓儀）有嚟，佢仲帶埋個奀挑鬼命（林俊其）嚟見家長，佢媽媽車太（江美儀）都有嚟。」阿驄問席上的江美儀覺得《觸電》是否好看？江美儀說：「絕！大絕呀！做乜唔搵我演？呢套戲真係好睇，希望票房一路上升。阿銘（羅浩銘）的動作編排真係好好。」阿驄笑言：「佢話自己做得好過伍姑娘（伍詠薇）。」
柯煒林則透露接拍該片過程要排除萬難，因為本來另有工作在身：「我同導演之前已經認識，受到導演邀請拍攝時，導演打電話俾我話有呢部戲，同時佢遇到一啲困難，當時我飛咗去台灣工作，與經理人討論，因為有其他工作，時間上未必配合到，經理人話呢部戲劇本係好，建議我去接，好多謝導演同經理人話俾我知套戲係好，最終做到，係一段好美好嘅緣份，多謝大家。」
