她表示目前以帶貨直播為主，「現在做帶貨直播比較多，試過一晚賣二百幾萬，好開心有咁好成績，真係無心插柳，儲到好多粉絲，一百四十多萬粉絲，網上平台都好多工作，疫情時好勤力做，試過俾人笑，但收入唔錯，我哋屬於情懷，睇過我演嘅劇都會入嚟支持。」 問到會否計劃開音樂會？她說：「最近好多藝人都有開演唱會，所以我啲fans都有問，我都好想，考慮當中，而且明年係我入行25周年，好值得紀念！」
有傳她網上收費傾偈？她就表示：「我想澄清一下，講到好似真有收錢，其實我係一次都冇試過，因為一開始都係粉絲傾偈，而聊天時候，平台後面可以開通設定，但我一次收費都冇收，如果再有聽到呢啲傳聞都唔好相信！」對於唱歌經常被批評，她說：「我唔會有任何反感，但多謝大家留意我，任何時段都陪住我，我唔會介意，喺網上平台我覺得開心，係我可以表達自己，做自己鍾意做嘅嘢，同以前與fans互動唔同。」
至於今日生日會點慶祝？「我哋已經提早慶祝咗，屋企食咗餐飯，好簡單慶祝就可以，不過今日多謝媽咪，仔女一齊嚟支持我！記得5年前出歌時，媽咪同囡囡都有支持，5年後佢哋又再支持我，知道我又唱歌都好開心，原來我做嘅一切，佢地都支持。」 問到老公會否同樣現身支持她？「我諗終有一日可以，順其自然，幾時就唔知，唔想打擾佢，如果大家追訪佢，我就唔想影響佢，因為大家都好奇，唔多唔少都會追訪佢！」
更多現場圖輯：
