何廣沛新形象令人眼前一亮。
剛完成新劇《新聞女王2》拍攝工作，日前在社交網上載煞科宴開心片段，大嗌「好唔捨得呢個大家庭」，但今日（31日）他即來個大變身，曬出多張染白Skin Head甫士照，獲網民及眾圈中好友譚俊彥、朱智賢、郭柏妍、江嘉敏、谷婭溦、張彥博、姜麗文等留言讚好，同劇的高海寧亦大讚：「好睇，wow Ivan BB」；最搞笑是林盛斌Bob留言：「我又試吓染先」，何廣沛就笑指：「我以為你一直有染開」。
何廣沛在《新聞女王》第一季飾演文家軍忠臣Ivan，作為Man姐背後的男人，其角色在內地大受歡迎，獲封「11點哥」和「全劇最忠心人物」。他當時指每次開工，佘詩曼都叫他「Ivan BB」，令他更容易代入劇中二人關係，不過之後大家都跟阿佘一樣，暱稱他Ivan BB。
