劉丹、滕麗名、呂慧儀、周嘉洛、吳偉豪、樊亦敏、何晉樂、姚焯菲、譚輝智、劉洋、羅樂林、李偉健、歐瑞偉、林漪娸等今日出席《愛•回家》活動宣傳。日前呂慧儀於小紅書以「半工讀的媽媽」為題分享記錄生活嘅影片，原來早前喺香港教育大學教育博士王駿雄鼓勵下，報讀牛津大學賽德商學院（Saïd Business School, University School,University of Oxford）Executive Leadership課程，「八個星期課程，兩個月時間完成，自己一直都想讀返書，因為𠵱家開教育中心，管理上係需要進修一下，而且黃博士建議我讀，咪去嘗試下，但一開始都擔心自己完全讀唔到，頭兩星期係最艱苦，所以一開始都唔敢同人講我讀書，online課程好講自律性，兩星期之後就回想以前讀書進度就慢慢適應。（同囝囝一齊溫書？）係呀，佢仲叫我俾心機做功課，以前我督促佢做功課，佢會覺得點解你又唔使做功課，𠵱家就可以一齊溫書，我又將我成績俾佢睇，佢睇到我攞100分，俾佢知道努力係可以換嚟好成績，𠵱家佢讀書比以前積極同主動，係我最開心嘅事。」
另外，近日剛加入《愛•回家》拍攝的劉洋，表示拍劇比想像中難，「暫時幾好，慢慢適應，原本以為很簡單，但原來不容易，拍攝的時候很緊張，因為工作角度上，我都對自己要求嚴格。（外貌有喜感？）是有，我看了之前曹總的角色，我們很像，劇中我演他的堂弟，可是我覺得像他兒子，大家年紀都有偏差。」減肥進度？「減肥就隨遇而安，盡量減，因為角色不可以太瘦，太瘦就不像本尊，現在是因為工作需要不用減，但都要控制飲食，少吃一點，現在不太餓就不吃，晚上吃少一點或甚至不吃。」
更多現場圖輯：
