余香凝、余潔瀅姊妹把自己與母親年輕時的照片併合,各自在IG上載,香凝寫道:「呢兩日喺度睇舊相簿,發覺原來我阿媽後生咁靚!原來pose呢啲嘢都有得遺傳,快啲留言讚佢靚!等佢開心下。」又指菲林照片好有質感,以後用多啲菲林相機。
潔瀅大讚:「OMG我媽真的超美……唔講以為三姊妹」,網友紛紛留言:「阿媽好有女人味」、「中間最靚」,又有指其母似林青霞、王菲、鄭秀文、溫碧霞……香凝回應母親覺得自己似周海媚;兩姊妹不單遺傳了母親的優良因子,連擺甫士亦類同,正如好多人講:「一睇就知係親生嘅!」
圖片來源:余香凝、余潔瀅@Instagram