《叱咤》頒獎禮今晚舉行，謝安琪和Juno打頭陣出場時，全場竟大叫「古天樂」，未知Kay和古仔的《（一個男人）一個女人和浴室》能否成為《我最喜愛歌曲》呢？古仔又會唔會到場呢？
頒獎禮歌手陸續出場，缺席新城的容祖兒驚喜現身，Joey今年只派一首廣東歌《心之科學》，不過播放率和網上點擊不錯，有望打入叱咤十大。而欣宜今晚以大褸露Bra look性感登場，同台的坤哥都唔敢正視。至於首先頒發叱咤生力軍三甲，銅獎由黃妍奪得，銀獎係曾樂彤，金獎係洪家豪。
