上次介紹過蔣雅詩（Ziya）保持白皙肌膚的秘訣，但夏日要注意的又何止美白？Ziya今次再度與我們分享她的美容好物，在迎接陽光與海灘之前，她又如何為「身」心做好準備？
脫毛好物
「我只用過來脫腋下毛毛，就覺得佢幾好，其他部位未試。貪佢夠方便，唔使出街俾人脫，之前試過坊間的脫腋毛服務，話就話永久脫毛，但係其實最後都係會生返出嚟⋯⋯所以有部脫毛機喺屋企都幾好，得閒冇嘢做自己脫都幾方便！這款脫毛機仲附有好多個對應不同部位的配件。」
磨砂好物
「好適合夏天用嘅磨砂膏，用完會有種涼浸浸嘅感覺，所以唔建議冬天用，因為真係會凍！」
L’OCCITANE 馬鞭草身體磨砂膏 HK$250/200ml
蘊含清涼的薄荷醇，注入的天然提煉去角質微粒能有效溫和去除角質，令肌膚回復柔軟光滑！
香氛好物
「最近又拎返出嚟用，如果想噴香水，但又唔想太濃味，咁這款香氛身體噴霧就係幾好嘅推介，味道比較輕盈。」
Jo Malone London CATTLEYA FLOWER BODY MIST 限量版
HK$535/100ml
以熱帶地區的代表花卉——嘉德麗亞蘭為主調，絢爛華麗的花瓣帶有獨特又濃郁的異國情調，前調柑橘融合薄荷帶出清新印象，中調則是主角嘉德麗亞蘭與茉莉的花香圓舞曲，最後以雪松和香根草深化層次，給肌膚宛如絲絨的氣韻，彷彿進入一趟陽光滿意的熱帶叢林之旅。