Advertisement

白色強人II|演受重創角色唔顧靚仔樣 高鈞賢獲讚演技大躍進

本地
2022.08.19
685
撰文:Rita
高鈞賢在每幕戲的抽搐位與程度,都與導演商量研究。
高鈞賢在每幕戲的抽搐位與程度,都與導演商量研究。

高鈞賢在昨晚播出的無綫劇集《白色強人II》,一出場即搶戲非常,其角色關卓軒(Ryan),5年前跟陳豪飾演的李文信(Vincent)同為世界醫護團醫生,原本已申請調回香港的Ryan臨回港前因代替Vincent出勤發生意外、遭子彈射傷頭部,嚴重影響記憶及語言能力,不能再做醫生,妻女都因此離開他,在便利店當店員的他,因追賊期間遭扑暈被送往明成北醫院並與Vincent重逢。
高鈞賢雖然全程要抽搐着演戲,但依然能做出不同層次情緒,令網民無限心痛兼大讚其演技突飛猛進:「好大進步,可能以前太顧靚仔樣,宜家肯豁出去」、「Ryan咁樣真係比死更難受」。導演蘇嘉樂透露,由於相關場口需要反差感很大的演員,需同時具備靚仔樣及潦倒感,故二話不說鎖定高鈞賢。導演又指二人單是研究角色受創後的肢體動作也花了極長時間,一邊排或拍戲一邊糾正,參考了妥瑞症的病徵。

高鈞賢完全演繹由靚仔演變受創後的反差感。
高鈞賢完全演繹由靚仔演變受創後的反差感。

高鈞賢闊別無綫6年後,於2020年簽約邵氏,今年3月率先播出的《飛虎3壯志英雄》,高鈞賢亦曾客飾演演年輕版程頌醫生擔任無國界醫生一角,當時已獲網民大讚,他外表與10年前沒差別,依然非常靚仔又入戲。今次他為做好角色,找來舞台劇肢體導演黃俊達齊齊研究:「嗰時我咁啱上緊佢堂,我自己都有喺網上睇好多資料,亦問過醫生呢啲Case應該係點,因為唔想做得太誇張,想盡量自然啲;我亦都睇咗好多子彈留喺腦入面嘅真實個案。」

高鈞賢又指為了投入角色,拍攝時要逼自己無視現場台前幕後,變獨家村;不過搞笑是期間遭馬國明「突襲」:「我好多年冇見馬國明,因為拍做手術場戲要剪開我啲衫,一Cut機馬明就行入嚟話『靚仔好耐冇見』。」至於最多對手戲的陳豪,亦大讚高鈞賢把內心戲演繹得很好,並謂希望將來有機會再合作。

陳豪都讚高鈞賢把內心戲演繹得很好。
陳豪都讚高鈞賢把內心戲演繹得很好。
姜濤 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹