Advertisement

有個閨密叫祖藍|薛凱琪因愛情令情緒病惡化  幸獲方大同拯救勸勿做傻事

本地
2022.08.15
380
撰文:Rita
曾經有嚴重情緒病,薛凱琪現在已想通想透。
曾經有嚴重情緒病,薛凱琪現在已想通想透。

薛凱琪(Fiona)現身《有個閨密叫祖藍》,她跟王祖藍認識18年,被對方大爆是喊包、十次見面喊足七次,又自言未夠資格做對方閨密:「佢要傾通宵電話,但我係捱唔到眼瞓。」
甚少主動提感情事的Fiona,節目中大方談及當年拍攝電影《人間喜劇》時情緒病爆發事件,面對祖藍追問因由亦毫不忌諱直指與感情有關,「一來係爹哋媽咪分開,但我依家會形容(唔開心)係我自己俾自己,依家會怪自己嗰時點解怪責屋企;另外咁啱嗰一年嘅愛情令我病情惡化。」

薛凱琪被祖藍追問有沒有拍拖。
薛凱琪被祖藍追問有沒有拍拖。

Fiona自揭以前皮膚黑、四眼又箍牙,所以中學全沒追求者,到大學才有初戀,至今拍拖次數「十隻手指數得晒」。入行十多年,Fiona坦言為面對輿論壓力,每次被問及戀情,都堅拒承認拍拖。她又自言偶爾有祈求上天賜她一個B,「有時我同上天講嘢時會掩住個肚,我會話你覺得係時候嘅話,就要俾我喇!」


Fiona說不少男性好友視她為「麻甩佬」,其中一個是余文樂。講到最老友,Fiona棄祖藍選擇方大同,並指對方影響其三觀,「佢係我其中一個生命導師,喺我最困惑時佢將我拉番出嚟,叫我唔好做傻事。佢話呢個世界冇衰人,如果個個都覺得巫婆係巫婆,咁佢就一世係巫婆,因為佢呢句嘢,I always try to find the best in people。(找到那個人最美好的地方)。」

Fiona好彩有方大同在深淵中拉回來。
Fiona好彩有方大同在深淵中拉回來。
星級企業大獎2020 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹