Advertisement

發哥鑽石山戲院被包圍任集郵 孖發嫂買飛睇《寒戰2》拒打尖

訪問影片
2016.07.16
913

【明報專訊】《寒戰2》票房愈戰愈勇,截至7月14日,票房為港元33,218,640。周潤發捧自己場買飛睇《寒戰2》,前日他跟發嫂陳薈蓮到鑽石山荷里活廣場的百老匯戲院睇戲。早前《寒戰2》香港首映,發哥在外地未能出席,故他返港後親自買票入場支持電影。發哥孖發嫂排隊買飛,他一身行山Look在排隊人龍中好搶眼,粉絲大叫:「發哥呀!」有粉絲主動讓發哥先購票,但他堅持要守規矩排隊。發哥在超長人龍中對要求自拍合照的粉絲是有求必應,他的粉絲由3歲至80歲,見到偶像皆忘我。

女粉絲:下半世淨係招呼你一個

發哥在售票處成功購票,但要入場睇戲也不容易,不少等入場的觀眾將他重重包圍,發哥任影滿足眾人要求。現場有位女士好入戲,發哥在《寒戰2》有金句「我下半世咩都唔做,淨係招呼你一個。」她好肉緊以這金句跟發哥打招呼,發哥聞言笑說:「吓?淨係招呼我?!」臨開場時,發哥見還有很多粉絲等合照,他笑問大家還看不看戲?答應看完戲再合照。

睇戲歎爆谷 完場即興搞分享會

他跟發嫂皆拿着大包爆谷入場睇戲,完場後即興跟觀眾做一個簡單分享會。他說要捧兩位偶像郭富城與梁家輝場,又問觀眾想不想睇第3集,他爆料說:「應該有第3集,睇吓家輝臨尾望住個仔的表情。」觀眾起哄說要看第3集,但一定要有發哥演出。場內觀眾大叫發哥有型、好靚仔、好後生,讚到發哥話怕瞓唔着。其後發哥說跟影迷一起睇戲好過癮。

娛樂組

■更多娛樂猛料 ﹕ol.mingpao.com

鄭秀文 黃心穎 許志安
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico