鍾嘉欣4日訂情:真係好愛我老公 默認有喜 想生4個 婚後不退出

訪問影片
2016.02.29
2604

【明報專訊】31歲鍾嘉欣日前爆出秘嫁比她年長10多年、於溫哥華開設脊醫診所的Jeremy Leung,兩人在去年12月低調結成夫婦,昨晨於溫哥華補擺喜宴。盛傳懷孕的嘉欣身穿鬆身裙褂,孕味甚濃,她默認有喜:「BB嘅嘢唔好亂講,我覺得太早,適當時候會公布。」她透露老公想生4個小朋友,她會配合。初次面對傳媒的Jeremy雖有點怕醜,仍應傳媒要求兩度吻嘉欣的頸,兩人不時甜笑對望,幸福滿瀉。嘉欣對老公讚不絕口,肉麻地說:「我真係好愛佢!」還大數老公勁多優點,說相識不到4天已互相認定對方。成為梁太的嘉欣強調喜歡演藝工作,不會退出。

嘉欣婚後入住老公位於溫哥華市值近1600萬港幣的獨立屋,昨日溫哥華時間約下午1時45分,穿著鬆身中式裙褂的嘉欣與Jeremy離開寓所,兩人十指緊扣,Jeremy細心拖着嘉欣落樓梯,還大方向傳媒揮手。嘉欣笑對傳媒說:「唔好嚇親我老公!3點見啦!」之後,他們登上一部長長的白色車前往舉行婚宴的豪華私人會所The Arbutus Club。

影相護肚 甜笑互望

至下午3時,嘉欣與老公及一班好姊妹李亞男、岑麗香、苟芸慧、王君馨出來見傳媒;嘉欣左手戴上婚戒,還有龍鳳鈪、鑽石鏈等,不時用手護肚。她影相時如小鳥依人般倚着老公,又四目交投甜笑。Jeremy應傳媒要求兩度吻嘉欣的頸,影完即鬼馬說拜拜便轉身入內,之後再出來跟嘉欣影合照及派利市。

識逾10個月 結婚唔突然

嘉欣接受訪問時表示,去年12月的婚禮儀式很簡單,但對她已很足夠。今次為尊重老人家故補擺喜酒,見到很多親友好開心;不過,沒想到婚事會突然爆出來,見到大批傳媒很緊張,但大家合作令她很感恩,加上原本落雨,現在出太陽,神送了很多禮物給她。

拒講Jeremy如何求婚

她解釋結婚並不突然,「我識Jeremy有一段時間,10個多月,真係唔快。我認識Jeremy好得意,佢令我相信這個世界有整定,我識佢唔使第4日,唔知點解心裏已認定佢係我老公,佢都認定我係佢老婆。因為異地戀,每次分開都很辛苦,就覺得等咩啫!係咪真係要等到我唔使返工先結婚呢?既然兩個都覺得啱,點解唔快啲呢?加上兩邊家人都好鍾意我兩個,好想我哋快啲一齊,所以決定結喇!(Jeremy點求婚?)太多細節,佢唔鍾意我講,總之好sweet,同埋在溫哥華很多燈飾的地方。佢儀式做足晒,但求得好喜劇。我隻戒指一卡幾,最靚嗰種,係我鍾意的款式。」

「中國傳統 BB嘢唔好亂講」

是否真的有BB?她默認說:「講真,中國傳統,很多時BB嘅嘢唔好亂講,費事有不好的事,我覺得太早,適當時候公布。(雙囍臨門?)講BB就唔好講喇!費事有事就唔係咁好啦!(想生幾多個?)我將來想生4個小朋友,係咪好得人驚呢?這個唔係我講,係我老公講,我會配合!」說到老公有什麼優點?她雀躍地表示:「我老公優點就勁喇!我真係好愛佢,佢真係好惜我!佢好成熟、好穩重,心地好善良,佢好勇敢。講真,佢一個咁private嘅人,今日可以拖住我出來同大家見面,還笑口噬噬,好難得。平時佢連同我影selfie都唔肯影,一影相就皺眉。影婚紗相本來影3小時,佢都問45分鐘得唔得?同我講價。我覺得佢肯為我付出,佢好孝順,爸爸媽媽都好鍾意佢,所以佢係我Mr. Right!」

爆老公影婚紗相講數

有傳她婚後退出?嘉欣強調一定不會退出:「我好鍾意TVB工作,我還有合約,我還有很多嘢未完成、未嘗試,唱片想今年出,又未做過舞台劇。如果我返香港,老公會飛多啲過嚟(香港)陪我,佢要關一陣診所,是為了個家,唔可以結了婚唔見面咁唔健康,互相配合。(會否減產?)你哋睇就知。我同TVB請假到3月尾,現在要負起做太太責任,學習照顧老公,煮飯、執屋,不會度蜜月。個假完咗睇吓點。」

負做太太責任 不度蜜月

今次婚宴嘉欣親自籌備,她指原本之前結完婚就算,不想麻煩,但老公及奶奶想他們補擺喜酒,老公想給她一個dream wedding;但籌備過程很辛苦,太多細節如佈置、酒、食物等,搞到她很頭痛,故香港不會再搞。她送給老公的歌《我結婚了》是數年前寫的,儲到現在是面世適當時刻。她透露婚宴沒玩新郎,老公亦不會表演。她指Jeremy不鍾意應酬及嘈,昨日個心跳到1分鐘200下,整個星期睡不到覺。

一對新人玩至溫哥華凌晨1時才離開,嘉欣換上便服,大褸樽領,加圍巾保暖以防着涼。Jeremy則搞怪用婚照遮臉扮怕醜,嘉欣笑問他做什麼。Jeremy向傳媒道謝:「thx guys!」有問會否回愛巢洞房?兩人未有回答,Jeremy拖實老婆嘉欣上車。

明報記者 陳釗、劉永銳 溫哥華直擊

■更多娛樂猛料 ﹕ol.mingpao.com

許志安 關智斌 鄭秀文
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico