李家鼎嬲爆反擊:莫須有 被指偷拜神雞道具雀籠

訪問影片
2015.08.29
1052

【明報專訊】李家鼎日前被指狂數無綫製作及演員後,有報道說有工作人員爆他經常在開鏡時拿走拜神雞、燒肉及生果,就連拍戲的道具雀籠都據為己有。

「攞多嚿燒肉叫撻咩?」

鼎爺對此極之氣憤,昨日拍片放上兒子李泳豪的facebook親自澄清。他初時語氣平靜說:「首先多謝圈內外朋友平反我呢件事同撐我,我想講一句,岳飛畀秦檜害嘅時候,三個字:莫須有。估唔到今時今日,呢三個字用喺我身上。話我專撻拜神雞,現場咁多人我點撻呢?我只係攞嚿燒肉食,有時多咗攞多嚿,咁叫撻咩?有時一個演員都未必食到一嚿,得一隻豬、兩隻雞有幾多呀?」

「雀籠有晒編號點攞?」

說到雀籠,鼎爺說:「我玩雀全世界都知,我啲雀籠無一萬都七、八千,塊布都請人度尺寸做。話我道具雀籠都唔放過?我想問一句,公司雀籠有晒編號,仲咁大個我點攞出嚟?要誹謗我唔緊要,但要攞多啲證據,清清楚楚。」他愈說愈扯火,最後說:「上天下地中間良心,我無做過對人唔住嘅事。」

元秋:鼎爺火爆但無鬧過我

元秋昨午出席《城寨英雄》拜神時,與林子善拿拜神雞事件開玩笑,秋姐事後說其實不清楚事件。她與鼎爺曾在邵氏時代合作過,她反問:「是不是事實?我不知。難得我想食雞,子善剛才叫我不要攞隻雞。」她認識的鼎爺為人火爆:「他以前做武指,三句兩句就小呀大呀咁,但無鬧過我。」

記者:鍾一虹

攝影:孫華中

鄭秀文 馬國明 黃心穎
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico