Advertisement

千嬅拖Sammi合唱眼濕濕搞笑組「人瑞版Twins」

訪問影片
2015.01.30
482

【明報專訊】鄭秀文(Sammi)前晚擔任楊千嬅第4場演唱會嘉賓,千嬅見到Sammi立即眼泛淚光,還搞笑說要組成「人瑞版Twins」。她們連老公都擺上枱講笑,千嬅又自爆曾被叫錯做「高太」,Sammi則慶幸未被叫錯做「丁太」。

鄭秀文(Sammi)一身型格中性打扮出場演唱《終身美麗》,令觀眾大感驚喜。唱到一半千嬅出場與Sammi手拖手合唱後擁抱,其間千嬅感動眼濕濕,被Sammi取笑﹕「搞乜鬼呀你!」她又帶動全場大叫﹕「楊千嬅你最索!楊千嬅你最掂!」千嬅亦回敬叫全場大叫﹕「Sammi你最索!」Sammi笑說﹕「唔使講啦,我知呀!」千嬅今次託林珊珊問Sammi經理人郭啟華作出邀請,她衷心感謝﹕「在我演唱會上可以請到你,無遺憾㗎啦!好似發緊夢咁。」

互叫「你最索」

千嬅透露請Sammi做嘉賓除了喜歡Sammi外,還有她出道時常被人說她們似樣成為話題。Sammi聞言將頭哄埋去千嬅說﹕「真係似咩?不如我哋組成Twins啦,長做長有,係有啲超齡。」千嬅笑說﹕「現在興呀!我成日見網民寫『樂壇人瑞』,做到人瑞是好大成就,我都不知幾想,可以對個仔耐些。」千嬅續說﹕「我好幸福出道時有個咁好嘅亮點在工作上出現,似一個咁堅、咁威、咁靚嘅人。」

自爆被嗌錯做「高太」

千嬅自爆曾在內地工作被錯認是Sammi,但自知普通話不是太好,怕解釋錯更核突。Sammi笑言﹕「咁耐出街無被嗌錯做『丁太』,你當我隔籬嗰個流嘅咩!」千嬅再自爆試過被嗌「高太」。她笑說﹕「唔知點解我老公變咗姓『高』,我無重婚,我老公姓『丁』,呢件事好邪!」Sammi落台前再認真替千嬅打氣,說做完要休息,真的會好攰。千嬅唱最後一首歌時,高踭鞋斗零踭幾乎攝在舞台機關空隙,她索性除去高踭鞋,赤腳在台上又唱又跳。

文﹕娛樂組

■更多娛樂猛料 ﹕ol.mingpao.com

鄭秀文 許志安 馬國明
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico