董培新:江湖喜劇

董培新.唔三唔四半世紀
2019.01.13
119

18tps

電視新聞報告,卻出現一個電影動作高潮片段,林嶺東都走啦,係唔係佢走之前拍落呢?又唔係,明明新聞節目播出,但係追車場面,夾車場面,被夾車輛打白鴿轉走位之靚,好多特技大阿哥都唔敢話可以一剔過,真係靚到無倫,拍爛手掌。加上前後夾擊兩架車走位之合道,真係歎為觀止。仲有,如果唔係專業拍攝,早設定鏡頭,點會有咁多唔同角度拍攝出畫面?最衰就係驚動警方,搞串個派對,變成是是非非,好鬼冇癮。
報館做幾十年,你話想扮斯文,唔識得江湖中人,有識之士一聽就知道你講大話。有把白紙扇退出江湖後仲同我朝朝飲早茶,只係大家心照,過往事絕口不提。當年做記者同事,黑白兩道都要通暢,做新聞唔可以單線去做,官方新聞官講話要聽,私下又要套官講實話。黑道自然要溝通,又黑又白的二五仔更加要識多幾個。早期報館資源有限,九龍新聞要靠駐九龍記者料,通常每張報紙負責九龍工作的只有一兩個記者,九龍那麼大,兩記者怎樣做?那也有辦法,各報協調下在九龍旺角酒店開了間長房,負責收料和放料,全港的九龍記者都以此為聚腳點。那時候《新報》採主是郭傑英,常在港九兩邊走,駐九龍記者是李凌俊,二人都是能文能武非常打得之人,李凌俊曾經對我說:他坐過監,問他原因,他說:因為一枝槍,行走江湖都在三教九流之地,恩怨情仇話發生就會發生。正如文首所述一下子意氣風發就會鬥個七零八落。郭、李二人在旺角也打過多場大交,試過一同宵夜的杜姓記者,怕受池魚之禍,在戰場之上大派卡片,將身上所有親朋戚友卡片派光,逃過拳頭之災。

G.E.M 陳瀅 何超盈
人氣 TRENDING
陳瀅 G.E.M 陳曉東 周潤發 呂慧儀
https://www.mpweekly.com/entertainment/wp-content/uploads/2019/01/18tps-150x150.jpg