董培新:歲月回眸

董培新.唔三唔四半世紀
2019.01.06
124

17tps

天增歲月人增壽,轉眼又過一年。好彩我係中國人,可以選擇適當時候信新曆,好似又老一歲呢味,幾大都去信農曆。今年多個幾月走棧,老遲個幾月,少頭近感覺,有得做阿Q幾大做阿Q啦,晒!
檢討舊年做過乜?做得最多事係送走好多人,相識、唔相識;有名、冇名一大堆。最感嘆係中學同學,佢在社區中心學玩木工,搞到我又去學木工,結果搞到一發不可收拾,間屋好似工場咁,可以開間小型工廠。兩個人一齊去游渡海泳,一齊冇人接應,毛巾都冇條,一齊打冷顫。受我感染齊齊往明愛中心學木工坡叔雷坡都走埋,二○一八年人口大退潮,希望只是以陽曆計算,如果計埋陰曆仲有個幾月捱,拜託老天爺高抬貴手,回收額夠有凸啦。
字典裏面有兩個字叫「無常」,從小,學校老師教育我們不要迷信,不要崇拜偶像。我們很聽老師話,在街上看見一些婦孺膜拜石頭公仔,在那些女人走後,我等頑童會用磚塊拍打石頭公仔,那石頭公仔不會叫痛,我們也沒有肚痛,證明那些受人香火的偶像只是一些呃神騙鬼的玩意。如果天意那樣容易操作,哪裏還是天意?只是,在七十幾年人生裏,回望那條自己走過的路,命運又不是全由自己操控,什麼時候走到了三叉路口自己並不知道,一個不經意的決定,卻會完全扭轉你整個人生,更奇怪的是似是一切都像是被安排的一樣。假如時光可以倒流,你不知結局,到那三叉點,你又不知是重要的三叉點,會如何選擇呢?

馬國明 惠英紅 鄭秀文
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2019/01/17tps-150x150.jpg