董培新:擦鞋二世祖

董培新.唔三唔四半世紀
2018.12.23
187

15tps

一百年前加拿大人同美國佬打場硬仗,美國佬一數都無。如果唔係咁,加拿大早早就變美國第幾個州啦。當然,今日美國國力比加拿大強唔知幾多倍,但係加拿大仍舊係一個完整獨立國家,只不過,又有一個弱雞到無倫白癡元首杜魯多。下邊個癲佬總統特朗普周時無日都發癲,得閒就糟質隔籬墨西哥,發癲又踩你加拿大。我個杜魯多,最叻就係玩同性戀大遊行節目,有時又會亂得罪隔籬,到人個癲佬總統一發癲佢又腳軟,早輪先至講錯俾癲佬侵鬧到狗血淋頭。孟晚舟真係倒霉,正呢段時間返溫哥華探老公探仔,俾白癡總理捉住,要奉獻。原來美國佬根本都未落柯打拉人,佢捉人之後仲要問美國佬要唔要?美國佬話要仲要入紙申請辦理手續引渡,有排搞。特朗普仲口輕輕咁講,如果孟晚舟求佢,仲有得商量。即係話呢單唔係美國佬玩出,係堂堂大國加拿大個白癡總理獻媚玩出!
我的窮鬼,見到人有咁多錢,真係恨到心都爛埋,睇孟晚舟又唔覺得咁辛苦,窮,又唔使乞,仲有屋住,有飯食,有做。當然,又買唔起飛機,買唔起遊艇,買唔起法拉利,買唔起別墅……包唔起……嘩,多囉,好多都做唔到,唯一好處就係麻煩少,少好多擔心,起碼搭飛機都唔驚俾人拉啦。做阿Q其實真係幾開心,就算你有幾多億身家,張都係咁上下大,大家透口空氣一樣係空氣,哈,快樂指數就有得鬥啦。

鄭秀文 關智斌 馬國明
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2018/12/15tps-150x150.jpg