Advertisement

正確路線

董培新.唔三唔四半世紀
2017.07.22
1k

從小接受正確政治教育,八歲已經知道七一是建黨節,八一是建軍節,十一是國慶日,深深刻刻,根深蒂固永不動搖。紅歌由那時開始已是天天唱了,好像「解放軍進行曲」:向前向前,我們的隊伍像太陽……像「歌頌領袖」:……毛澤東、史太林,毛澤東、史太林,像太陽在天空照……「我的祖國」、「社會主義好」真個唱得滾瓜爛熟。但好快好快,就有啲嘢想唔通,史太林忽然間死了,蘇聯馬上出現個反黨集團,領袖又換得快,一陣又馬林科夫,一陣又布爾加寧,啱啱識得佢又變咗反黨,我哋細細個唔識嘢,搞到一嚿雲。跟住就係三反五反,日日條條街都爭住掛上新藍燈籠。又跟住晚晚要開會,過隔籬過夜都要報派出所,街坊組長盡力盯住全街出入嘅人。最驚有一日,媽媽話不如我哋一家一齊死囉。好彩阿媽只係講吓啫,唔係早早投胎做過第個人啦。

我們偉大的國家,在英明領袖帶領下,浴火重生,以雷霆萬鈞之力,土改、三反五反、抗美援朝、人民公社、反右運動、反黑五類運動、大煉鋼、大躍進、決戰大饑荒、文革、改革開放,將七零八落一窮二白的環境來個大扭轉,中國人民驕驕傲傲地站起來了,可以握着掟不完的人仔磚頭掟死全世界的鬼,乖乖地低聲下氣跪地餵豬乸。啊,多麼驕傲啊,中國人民站起來了!

只是,樹大有枯枝,總會有些不合時宜的人出來說三道四,那只是一小撮、一小撮,像浮沉於東海的孤魂。

黃心穎 鄭秀文 許志安
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico