外國勢力

董培新.唔三唔四半世紀
2016.10.08
867

唉,香港,周時無日都會有人講:外國勢力入侵。咁又係真嘅,自從鴉片戰爭之後,何止入侵,直情係盤踞香港,無論文化、生活習慣、經濟模式、飲食、衣著、起居、理財方法,有幾多仲係全中式?我哋香港人,响八十年代慘見蘭桂坊第一度淪陷,到西環地鐵開通,西營盤、西環又要面對慘烈文化洗劫。每夜到處鬼影幢幢,聽不見一聲人話,傳統街坊食肆執吓一間,執吓兩間,轉眼間九成九變哂鬼佬餐廳、酒鬼酒吧,慘,賣國賣成咁,行出街只能夠聽到鬼話連篇,唔止嘥鬼氣,直情谷鬼氣。回到香港,走進失陷重災區,簡直仲以為响加拿大,最慘、最慘,香港的家,坐落重重災區。

地鐵開通本來是天大好事,以前由皇后大道西回家,一定要撐大斜路而上,大熱天時汗濕征衣透閒常事矣,最淒涼係車輛在你需要時經常冇車,或者趕時間時必然塞車,預鬆很多的時間也要遲到。時間、時間,真的叫救命!地鐵,實在是最大最大恩物,每出門都有了預算,但老天爺總會和你開玩笑,你得到些好處,俾返啲衰嘢你鯁,家附近再次變成殖民地之後,大廈住進大量鬼佬。香港地乃國際商業城市,好多公司都有鬼佬職員,我們這些小單位就是公司租來給那些中級鬼佬職員作為宿舍。頂,咁就慘嘞,嗰啲鬼,逢公眾假期、周六日,上哂天台開派對,正正式式鬼殺咁嘈,可以嘈到凌晨兩三點,晚晚電話投訴都冇用,劑劑都要搵差人嚟先肯收斂吓,做看更的阿哥、阿叔仲慘,忍唔住向我哋訴苦,第二朝的鬼走哂,天台留低好多屎同尿呀!

關智斌 黃心穎 馬國明
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico