考起包青天

董培新.唔三唔四半世紀
2016.04.23
680

驚堂木一響,左右喝道:「升堂!」懷疑犯人已在階前,證人捕快分列堂下,凜凜包大人據案而坐,細細翻閱狀紙邊問主簿:「可有證物?」主簿道:「已經呈上。」包丞問:「何物?」主簿道:「亞氏公仔盒。」包大人打了個突:「亞氏公仔盒?有亞氏綜合症個亞氏?」主簿道:「係!」包公顫了一顫道:「係個亂退休太上皇死個亞氏公仔盒?」主簿道:「再冇第檔亞氏囉。」包大人問主簿:「陣亞氏公仔盒話太上皇死你信唔信?」主簿哦哦一陣話:「初初都信,後尾完全唔信。」包公一聽,火都埋,本來兩個人細細聲講,忽然大喝一聲:「連你都唔信個亞氏綜合症都搬上要我信,係唔係要擺我上呀?」主簿嚇到手都顫哂,口窒窒咁講:「樣……樣係唯一到出證據。」包丞大怒喝道:「打開公仔箱睇!」主簿道:「得,得,得,不過……」包大人好不耐煩問道:「又不過乜呀?」主簿道:「大人明察,公仔箱係有睇,不過冇辦法證明係亞氏做,亦都唔知係唔係貨真價實真料,唔保證有冇做過手腳,亞氏又散,煙消雲散咯,好難追到落底,係得呢料咋。」包公成個彈起道:「咁搞法分明咪係考我,退堂,我要慢慢諗!」

包公徹夜難眠,這半搞笑版無頭公案確實令人頭痕,「亞氏」兩個字成日個腦度轉來轉去,不禁長嘆一聲:「邊有人咁蠢,做生意人點肯認低威,舖頭改個名改到要次人一等走去叫『亞氏』,永遠亞人一等,人冠,自己係亞,一世俾人踩住上,唔執笠就天冇眼咯。」

關智斌 鄭秀文 黃心穎
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico