超超超超廉價勞工

董培新.唔三唔四半世紀
2015.09.04
623

現今租金貴、人工貴,做老闆好閉翳,洗碗洗碟三十幾蚊個鐘都無人做,亦有人索性唔做翹埋雙手綜援。人人都話生意難做,偏偏有超危險行業,搵人易過乜,而且人工特廉,六毫子一個鐘都有人做,認真頂爛市。

,六毫子一個鐘?你估七十年前咩,做十個鐘都買唔到個麵包,搵鬼做得落,但係事實擺面前,就係有做人,而家有人做,日後亦會有人做。呢份工一次過俾十萬蚊俾你,唔包你使唔使得晒,呢份工隨時足十九年,十九年長日捱夜捱,二十四小時都度捱。嘩,有咁殘忍工咩?有,有兩條友接做,而家捱緊,就係斬劉進圖兩個白癡,只要計一計條數就知道佢有幾白癡,佢身價賤成點?每人收人十萬蚊做,結果俾人捉,一判就係十九年,一年三百六十五日,十九年係六千九百三十五日,每日二十四小時,乘一乘六千九百三十五日,即係要做十六萬六千四百四十小時,收足十萬蚊計,每小時人工只得六毫子多一,十萬蚊未曾使晒仲更慘,一個鐘連兩三毫子都唔值,睇佢兩個高大威猛,就算見唔到樣,淨身形已經有型有款,分分鐘可以做小生替身,隨時十個睇相佬睇佢,十個都會睇漏眼,點會作賤到為幾毫子個鐘人工都去命搏?悲哀是有腦的人就是被這些冇腦的人斬了。世事畢竟是弔詭,去推磨的鬼拿到的只是那麼少的溪錢。

惠英紅 馬國明 許志安
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico