伏已中注意

畢明.講告冇死
2015.10.12
420

我入了地獄,希望你不必入地獄。

自己中了伏,希望別人不必中,預警喊驚,是公德心。

是咁的,為了看Carey Mulligan × Helena Bonham Carter × 梅姨的新作《Suffragette》,我被迫在圓方胡亂吃個快飯。留意,胡亂,還要快,非常危險,時運低,鋌而走了一趟險。抱憾終夜!

一般而言,去圓方看電影,快醫肚,Triple O’s是常識和常態,但想吃多點菜,熱食,揀了間上海菜館。

其中點了一道蟹粉豆腐,來的是一碟「豆腐豆腐」。朋友以為上錯菜,禮貌問一名肥部長,係咪忘記了蟹粉呢?佢話「橙色嘅就係啦!」橙色!?!!橙色?!!柯暈廚?!?!橙色喎,你左眼見到嗎?我左右眼都見唔到喎,有三粒嗎?橙色,在一堆白色和一堆白色中,在一劈我最懼怕的玻璃漿糊芡上,是多麼的耀眼你明白嗎?橙色!!?真係有?哈利波特的9又3/4月台嗎?

當我未夠時間以為自己色盲之前,肥部長已經走掉,費事睬你,背影有隱形大字寫「關我X事」,rude爆!其他餸,一樣難食。拜託,我真的沒有期望,起碼合理好不好?菜做不好,服務還要離譜。我很想找劉華抄佢牌紅牌警告,今時今日咁嘅服務態度?

記得好久前幫襯過它一次,印象中還可以,今次,極可怕。吃雞冇雞味,豆腐帶酸味,埋單時問另一位部長,你哋轉咗手咩?他說,之前轉咗廚房。明晒!

把中伏事件寫上面書,一夜半百留言,都說這店「不可一,不可再」,原來,中伏者眾。這個說炒飯堅硬,那個說味蕾有病,怎可光顧!起dislike。大嫂,早響嘛,七級浮屠啊!這些苦主怎麼從未出聲,讓黑店逍遙?

作為最新受害慘慘豬,我受了罪,希望他人不入地獄,大家睇路!You are warned。

推薦文章
黃心穎 馬國明 許志安
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/icons/bka256x256.ico