開騷前一日，Shirley到酒店的泳池曬太陽，四十九歲的她身材仍然有睇頭，其實在四月的香港站，已聽聞Shirley有人追，不過再打聽之下，原來不是「人」，是「鬼」。據知，Shirley一向有自己一班御用的排舞師，鬼婆性格的她和一位外籍男dancer特別談得來，據聞有次綵排，Shirley更收到鮮花一束，大家追問她都不肯透露多少，但這幾個月，大家都覺得Shirley「唔同咗」和「有啲嘢」。
完騷落台，勁風騷的Shirley不停捉人合照，心情勁靚，當然趁機會反捉住她問吓戀情，她又突然認真mode，Shirley說：「曾經愛過已經好夠，人海茫茫找到一個有緣份相識，能夠開花結果又好、曾經愛過又好，行到下去好難得，要珍惜。」問Shirley是否有人追？她說：「我的愛情觀好奇怪，當初做媽咪，我已經知道外間會有好多揣測，而且當時好少東方女性是single mother，我是一個好open mind的人，我不介意不結婚，老實說，試管嬰兒我都想過，我二十幾歲的時候，我已經知道自己不需要老公，一個roommate就可以。」那就希望Shirley快些找到她的「roommate」啦！●