Advertisement

台北站接力 下年攻日 SUPER JUNIOR疫後巡唱掘金

亞洲
2022.11.25
撰文:文嘉龍攝影:洪志富

whatsapp-image-2022-11-23-at-6-20-11-pm-19 whatsapp-image-2022-11-23-at-6-20-11-pm-1韓國男團SUPER JUNIOR(SJ),上周六(19日)一連兩晚在亞博開騷,今次巡唱《SUPER JUNIOR WORLD TOUR – SUPER SHOW 9:ROAD》是SJ第九回的演唱會,由今年7月15日開始在首爾啟動,接連十個站演出。繼香港站兩場後,今晚(25日)正式在台北開3場,下一站到菲律濱,明年3月攻進日本西武巨蛋。等了3年疫後通關,演唱會復甦,SJ巡唱掘金之旅亦告展開。

whatsapp-image-2022-11-23-at-6-20-11-pm-27 whatsapp-image-2022-11-23-at-6-19-32-pm-4 whatsapp-image-2022-11-23-at-6-19-32-pm-1whatsapp-image-2022-11-23-at-6-19-32-pm-8今次SJ演出陣容有八子崔始源、利特、藝聲、圭賢、神童、銀赫、東海和厲旭,獨缺希澈,早前官方已宣布他因身體狀況,不能參與演出。今次香港站的門票,最貴價$1880一張,優先訂票被秒殺,兩場演出爆滿,可見SJ的魅力。

八子在周日(20日)尾場炸爆亞博,又唱又跳三粒鐘。尾場演出在下午5時準時開騷,以《Burn The Floor》揭開序幕,成員大玩手燈舞,跟住《The Crown》的火燒visual,震撼效果十足!連唱七首快歌,當唱完《Mystery》之後,八子先有機會同觀眾打招呼同傾偈。入鄉隨俗,先嚟「Hi Hi Hong Kong 」打招呼,最搞笑是東海話:「大家好,我哋今日更加靚仔 !fans都比尋日靚仔,唔好話俾大家(昨晚觀眾)聽!」跟手俾飛吻、心心;再到始源就大曬「煲冬瓜」,然後用廣東話講:「你哋係我嘅心肝寶貝!」然後連環做出派心心、俾愛、摸面等甫士,冧死現場觀眾!

「俾機會我哋一齊老去」

whatsapp-image-2022-11-23-at-6-20-11-pm-6 whatsapp-image-2022-11-23-at-6-20-11-pm-12在頭場(19日)演出時,演唱會至一半,成員就開始玩始源,問他點解今次唔除衫?始源笑道:「我今日完咗之後唔食飯!我再想想……」大家即問他,「咁係咪即係聽日除呀?」始源笑說:「我哋係咪合約簽明我要除㗎?」然後始源又再被隊友笑問,「你諗諗吖,門票價30萬won㗎!」跟手神童走去揭起始源件衫,即引來全場哄動,尖叫聲震烈亞博;而在尾場,利特在唱《Bonamana》時更跳得忘形,掀開恤衫曬出結實胸肌和腹肌狂跳,又引來粉絲尖叫。

成軍17年,這次慶祝第九回演唱會,整個演出rundown融合了音樂、表演、化學和VCR所有元素,加上華麗舞台感,演唱會主打歌《Mango》在舞台上首度演出,SUPER JUNIOR更是連MV中的服裝都原樣現身;當唱到《BLACK SUIT 》和《SORRY SORRY》等大熱歌曲時,全場跟住又唱又跳,成為時晚高潮。

全程勁歌熱舞,去到臨尾ending,八子同現場觀眾傾心事,難得在一輪勁歌熱舞後出現的感性時刻,神童說:「17年了,係你哋養大我哋,冇呢啲藍色嘅燈,我哋依家都唔知會去咗邊!」然後更催淚地說:「俾機會我哋一齊老去!」不過話鋒一轉,即變搞笑:「12月我開始會做運動,不過唔會減肥!」一直是「肥仔潛力股」的神童,一番說話感性與搞笑兼備。最後八子唱出《Happiness》完美收場,三粒鐘交足貨。

木村光希 Wanna One 朴寶劍
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹