邊個話女人聚埋多是非，李麗珍、李若彤、江欣燕、張慧儀、袁潔瑩拍完《M Club》後做咗好朋友，每個月都定期聚會，昨晚聚會後，大家將照片鋪上網，個個都素顏上陣好清新，慧儀話每次聚會大家都好少化妝，「我們每次聚會都影張相留念，印象中大家都冇濃妝艷抹，自己人聚會最緊要食得開心，玩得開心，大家都好享受共聚的時間，我覺得自己唔化妝時乾乾淨淨都幾舒服。」
慧儀指當時一齊合作好愉快，所以訂下一月一次的《M Club》聚會，「幾年來我們都冇間斷過，有時個幾月，有時忙起來可能兩個月聚一次，今次都不齊人，葉蘊儀有事缺席，三位幕後人包括監製、編審、編劇因為不在香港未能出席，大家可以維持定期聚會都好難得。」
圖片來源：互聯網