Advertisement

Winka@COLLAR聲帶受傷最挫敗 啟發新歌理念要永不放棄

本地
2023.08.15
撰文:卡林
whatsapp-image-2023-08-15-at-4-44-00-pm-5
Winka出新歌《奇異小姐》,今次歌曲主要講「追夢」,無論遇上幾多挫敗也好,只要堅持着、不斷嘗試,終歸可以達成目標。

COLLAR成員陳泳伽(Winka)繼三月推出個人單曲《一手造成》,在網上點擊突破百萬後,昨日(14日)再度推出新歌《奇異小姐》,今次歌曲主要講「追夢」,無論遇上幾多挫敗也好,只要堅持着、不斷嘗試,終歸可以達成目標,就如Winka的音樂路一樣,經常遇上挫敗,但她依然屢敗屢戰,勇往直前。新歌MV講述一個戲劇演員的故事,從而帶出永不放棄,追求夢想的信息,Winka表示:「面對自己追求嘅嘢,好多時喺過程都會遇上挫敗,可能因為不成熟,或者未有經驗,所以未得到成功,但只要堅持,就算帶點儍氣,亦會有人懂得欣賞。」

提起挫敗,Winka自言經常會遇上:「可能我對自己要求比較高,亦希望身邊嘅人會鍾意自己嘅嘢及音樂作品,但好多時覺得做得唔夠好而有挫敗感。」音樂路上,Winka表示最大一次挫敗,莫過於聲帶受傷,她說:「曾經因為聲帶受傷而唱唔到高音,嗰時嘅我,係要逐個Key去練番,差不多花逾半年時間先練番以前嘅聲線,而呢件事,對於我喺今次首歌上,有好大啟發,就算挫敗過,只要唔好放棄,搵適合方法,加一點時間去重拾步伐。我相信努力不會白費,上天及身邊人一定會睇到。」此外,問到Winka剛完成團歌《idc》後,緊接便推出個人新歌可感壓力?Winka指:「做團歌好開心,可以做到不同嘅作品俾大家,可以話係期待已久,唔覺得有壓力,呢段時間推出團歌再加自己歌,成件事感覺好圓滿。」

姜濤 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹