繼Twins後，相隔23年，英皇再度推出新女團VIVA，團名「VIVA」來自西班牙諺語「Viva la Vida」，有活在當下的意思，在墨西哥又有「為生命而慶祝」意思。四名成員分別為姜咏鑫（Ada仔）、李晞彤（Carina）、馬思惠（Macy）及張鈊貽（ValC）。昨日（21日）VIVA的官方社交平台正式公開首張團體照，並預告將於下周一（27日）正式派歌。
雖然未正式出道，但VIVA已受邀為兩個大型音樂節演出，分別為6月21日的《中環海濱One Love Asia 音樂節》以及6月29日的《新濠影匯水上樂園WAVEFest水上音樂節》，此外，據知VIVA的廣告及代言工作陸續有來，除了月尾為大型健身連鎖店周年晚會商演外，亦將會有多個廣告推出，認真厲害。
剛剛宣布VIVA將會參與演出的《新濠影匯水上樂園WAVEFest水上音樂節》，其他演出單位包括張敬軒、MC張天賦、Dear Jane與Lolly Talk等強勁陣容。對於即將參與大型演出，VIVA笑言「感覺奇妙」，「首先我哋四個期待出道已經有兩年，中間亦都去咗韓國受訓，到依家可以將大家努力成果呈現喺觀眾眼前，有種DSE放榜感覺；其次心情一定又興奮又緊張，雖然我哋幾個都曾經參加過選秀節目，有過舞台經驗，但始終現場演繹我哋首支派台歌曲俾大家聽同睇，一定會緊張！依家我哋每日都有練歌、排舞，希望到時以最佳狀態示人。」
至於密密接job，VIVA就表示感謝客戶信任及支持，「同埋多謝公司，希望嚟緊會有更多工作，多啲嚟密啲手，我哋唔怕辛苦，哈哈！」