Advertisement

TWINS開side tracks歌迷大叫好 關智斌做嘉賓連打三個側手翻

本地
2024.02.05
撰文:卡林
TWINS SPIRIT演唱會昨晚(5日)來到第12場,請來關智斌(Kenny)擔任特別嘉賓。

TWINS SPIRIT演唱會昨晚(5日)來到第12場,請來關智斌(Kenny)擔任特別嘉賓,安歌時當TWINS提到Kenny,全個紅館已經被叫聲炸裂,好誇張!

安歌一輪後,蔡卓妍(阿Sa)說,「以往我哋每晚安歌的經驗,有一首歌一講個名紅館就地震咁。有份唱呢首歌個人,今晚都嚟咗呀!」阿Sa起哄帶觀眾大叫「關智斌!關智斌!」而Kenny就由第一行觀眾席直接跳上台,「大家好嘛!我把聲沙沙哋呀!大家ok嘛?」阿Sa說:「唔緊要啦,你係唔會聽到自己唱乜㗎,因為佢哋好大聲㗎!佢哋每晚都好似要『鍊』贏我哋㗎!」阿嬌說:「你係我哋第一個嘉賓呀。我哋今次演唱會係冇嘉賓㗎!」Kenny說:「我可唔可以扮轉上嚟呀?比我感受下真正嘉賓待遇,再得到大家歡呼聲!」然後Kenny就踎喺到扮自轉上台,非常搞笑。

接着三人一同演繹了《死性不改》,全場萬人跟着大合唱。由於TWINS演唱會的歌迷特別年青,阿嬌說:「我哋咪長生不老藥囉!係咪覺得回春咗?大家唱多啲我哋啲歌就好young㗎!每晚你段片出嚟佢哋都大合唱你嗰首《LALA世界》呀!」台下霍汶希(Mani)更大叫Kenny表現側手翻,Kenny說:「側手翻?真係?一陣先啦!」 當觀眾以為他不會打側手翻時,唱到一半《LALA世界》,Kenny就連打三個單手側手翻!

Twins開side tracks演唱會,一定又全場爆滿!

TWINS SPIRIT演唱會眨下眼只剩下兩場,阿Sa和阿嬌於台上表示開始不捨得,已經有演唱會後遺症。阿嬌更指因為晚上不停翻睇自己演出的片段太開心瞓唔着,「我依家好鐘意開演唱會呀!」阿Sa 說:「咁不如我哋第日再開一個side tracks演唱會啦,我發覺我哋好多歌,佢哋晚晚點,side到唔side都識唱,根本就唔係side tracks都係HIT歌。」歌迷即報以歡呼,大叫:「好呀好呀!」

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹