Advertisement

Twins演唱會| 蔡卓妍期待倫敦站開唱享受聖誕假期 新場次無奈取消歌迷「扮嘢」頒獎環節

本地
2024.07.06

 

whatsapp-image-2024-07-06-at-13-00-27

Twins 22週年演唱會已經展開世界巡迴演出,上星期完成杭州站,今天(6日)已經飛抵重慶準備開唱。鍾欣潼(阿嬌)表示:「我哋內地依家好似係預計有14場,唱到10月底左右,之後11月就去美加,12月就倫敦,星馬 、澳州呀等等地方,所以接住落嚟,每個星期都唔係香港。」蔡卓妍(阿Sa)剛稱:「我最期待倫敦站啦,因為第一次做倫敦,而嗰陣又就快聖誕,我諗住倫敦之後,就放假,係倫敦過埋聖誕先返香港呀。」

whatsapp-image-2024-07-06-at-13-00-30

上次香港演唱會,Twins就叫歌迷扮他們過去的不同形象進場,今次阿Sa說沒特別要求,不過社交平台看見到很多歌迷原來都有「扮嘢」入場,由其在杭州見到一個女生扮她們造形,非常可愛,「我都想好似係香港咁開心,可以送禮物頒獎俾佢哋,但係內地場館好多唔同規限,個個場都唔同,同埋我地繼續四面台,點知原來都離開觀眾有一個距離,手都握唔到。依家最初幾場,單係為咗製作上,可以做到同香港一樣,舞台搭建上都要改來改去,所以好難好似玩頒獎,希望歌迷朋友,假如有心好勁裝扮,upload上網tag返我哋,等我哋可以睇到佢哋扮到幾可愛啦。留言我哋會睇㗎。」

whatsapp-image-2024-07-06-at-13-00-29

今次Twins特別推出演唱會同邊產品,並以她們的經典歌作靈感,阿Sa表示:「士多啤梨蘋果橙好靚,咖啡杯都企不穩,直頭係可愛度爆標啦,啲衫依家我同阿嬌兩個都日著夜著住嚟排練,制服咁,哈哈。」阿嬌亦指香港歌迷都可以買到,所以特登設立一個網站,「今日開放俾大家網上訂購。個網站成立到我哋都好開心,日後唔單止係賣嘢,重想會有好多Twins資訊係入面同大家分享,等大家可以集中搵到Twins官網,得到最新資訊咁。」

whatsapp-image-2024-07-05-at-11-31-14-am-2

姜濤 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹