Advertisement

Twins宣布演唱會加開4場望還飛債 阿嬌阿Sa食健康餐練體能積極備戰

本地
2023.12.09

 

whatsapp-image-2023-12-09-at-14-40-19

Twins踏入22周年再開紅館,早前優先訂購爆滿後即宣佈由6場加至8 場,公開發售瘋搶半個鐘宣告爆滿,今日又再宣布再加開2月1-4日,4場!12月15日城市售票網公開發售。相隔9年再次踏足紅館,一口氣開12場演唱會,蔡卓妍(阿Sa)和鐘欣潼(阿嬌)今次破了Twins自己的紀錄,當然開心,阿Sa笑謂:「其實真係救到我燃眉之急,我真係好唔夠飛,之前我重用自己的飛行里數去換返自己演唱會啲飛,換完都係唔夠,幫唔曬朋友訂,而家再加,咁即係有救啦,唔駛啲朋友唔開心,話我辦事不力。歌迷都不停留言俾我,話搶唔到飛想喊,所以我哋今次特別為佢哋搞緊一場加場係歌迷會專場,咁希望大家都可以真係一齊入到嚟,同我哋一齊共度到22周年,呢個咁值得紀念日子。」

twins_ig_full2_1208

阿嬌就坦言:「聽到再加場,有愕然,又有驚喜,又覺得係一個突破。做咁多場 ,係自己體能上都有少少擔心㗎,但會盡全力去做!已經開始戒緊肉,剩係食菜呀,海鮮咁,因為只食齋又怕唔夠營養,記緊歌詞排緊舞啦。」

whatsapp-image-2023-11-03-at-2-52-22-pm

問到阿Sa今次破曬Twins紀錄,「唔好講咩紀錄啦,我剩係會諗,襯行得走得,做到咪做多幾場囉,再老啲唔知自己頂唔頂到啦嘛,做到就做囉。我就兩個月前已經開始管理自己啦,已經食緊健康餐,同埋練體能,而家瘦咗好多呀,咁唔可以剩係瘦,因為都要體力,所以不停有做運動增肌肉囉。本來唱8場,我同阿嬌話,不如一氣呵成啦,唔駛停唱曬佢,免得好似蝕咗度氣咁嘛,但係依家12場,中間就會有休息日啦,都要休一休再做,應該狀態會好啲。 」

whatsapp-image-2023-11-03-at-2-52-22-pm-1

此外,最近又有不法之徒,於社交網上開post ,指Twins演唱會招聘保安、檢票員等等職位,演唱會總監馮貽柏表示,從來沒有進行過任何這些職位的招聘,勸喻歌迷千萬不要受騙,把自己的私人資料或電話等給予這些網站,小心保障個人利益。

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹